بيىلعى جىلدىڭ ەرەكشەلٸگٸ – ۇلتتىق بايانداما ەل تەۋەلسٸزدٸگٸنٸڭ 30 جىلدىعى اياسىندا دايىندالدى, وندا تەۋەلسٸزدٸك ۇرپاقتارىنىڭ پورترەتٸ جاسالىپ, 10-20-30 جىل ارالىعىندا بولعان جاستاردىڭ دامۋ ديناميكاسىنا سالىستىرمالى تالداۋ بەرٸلگەن. ساپالى تالداۋ ٷشٸن 4 ەلەۋمەتتٸك زەرتتەۋ, سونداي-اق ساراپتامالىق جەنە عىلىمي قوعامداستىقپەن ەلەۋمەتتٸك كونسۋلتاتسييالار جٷرگٸزٸلدٸ.
قاتىسۋشىلار قازاقستانداعى جاستاردىڭ قازٸرگٸ جاعدايىنا جان-جاقتى تالداۋ جاسالعان عىلىمي ەڭبەكتٸڭ پراكتيكالىق ماڭىزدىلىعىن اتاپ ٶتتٸ. باياندامانىڭ عىلىمي اۆتورلارىنىڭ بٸرٸ دانا اشيمحانوۆا جاستار اراسىنداعى ٶزەكتٸ ترەندتەر تۋرالى ايتىپ بەردٸ.
اتاپ ايتقاندا, بٷگٸنگٸ تاڭدا جوعارى ۇتقىرلىق, ديدجيتاليزاتسييا, زاماناۋي تەحنولوگييالاردى پايدالانۋ قارقىنى جەنە سالاۋاتتى ٶمٸر سالتى ەڭ تانىمال ترەندتەرگە اينالىپ وتىر.
ساراپتامالىق تالقىلاۋ بارىسىندا قاتىسۋشىلار قوعامدىق-ساياسي جٷيەدە ٶز رٶلٸڭدٸ قابىلداۋ, قالالىق جەنە اۋىلدىق مەكتەپتەر اراسىنداعى الشاقتىق تۇرعىسىنان بٸلٸم بەرۋدٸڭ قولجەتٸمدٸلٸگٸ مەن ساپاسى, كەسٸپتەر نارىعىنداعى ٷردٸستەر, جاستاردىڭ عىلىمداعى مٷمكٸندٸكتەرٸ مەن پەرسپەكتيۆالارى سيياقتى ماڭىزدى مەسەلەلەر قوزعالدى.
مەملەكەتتٸك جاستار ساياساتىن دامىتۋدىڭ 30 جىلداعى حرونولوگيياسى ماڭىزدى بٸر بٶلٸك بولدى. بيىلعى جىلدا جاڭا زاڭنامالىق باستامالاردى, جاستاردى دامىتۋ يندەكسٸن ەنگٸزۋدٸ, جاستاردى قولداۋدىڭ 2021-2025 جىلدارعا ارنالعان كەشەندٸ جوسپارىن ٸسكە اسىرۋدى قامتيتىن مەملەكەتتٸك جاستار ساياساتىن ٸسكە اسىرۋدا جاڭا كەزەڭ باستالعانى اتاپ ٶتٸلدٸ.
قر اقدم جاستار جەنە وتباسى ٸستەرٸ كوميتەتٸنٸڭ تٶراعاسى شاحماردان بايمانوۆ ساراپتامالىق كەزدەسۋدٸڭ جۇمىسىن قورىتىندىلاي كەلە, قازاقستاندىق جاستاردىڭ ٶزەكتٸ مەسەلەلەرٸن شەشۋدە مەملەكەت پەن عىلىمي-ساراپشىلىق قوعامداستىقتىڭ ٶزارا ٸس-قيمىلىنىڭ ماڭىزدىلىعىن اتاپ ٶتتٸ.
– دەل وسى «حالىق ٷنٸنە قۇلاق اساتىن مەملەكەتتٸ» ٸسكە اسىرۋ اياسىنداعى جالپى كٷش-جٸگەر ەلٸمٸزدەگٸ جاستار ساياساتىن تيٸمدٸ دامىتۋ ٸسٸندەگٸ قازٸرگٸ زامانعى سىن-قاتەرلەرگە دەر كەزٸندە دەن قويۋعا مٷمكٸندٸك بەرەدٸ, – دەدٸ ول.
ەستەرٸڭٸزگە سالا كەتەيٸك, ەلباسى نۇرسۇلتان نازارباەۆتىڭ باستاماسىمەن «جاستار» عىلىمي-زەرتتەۋ ورتالىعى 2013 جىلدان باستاپ جىل سايىن «قازاقستان جاستارى» ۇلتتىق بايانداماسىن جارييالاپ كەلەدٸ. اعىمداعى جىلدىڭ سوڭىنا دەيٸن قر اقدم تاپسىرىسى بويىنشا دايىندالاتىن ۇلتتىق بايانداما رەسمي تٷردە تانىستىرىلادى جەنە كٶپشٸلٸككە اشىق تٷردە قولجەتٸمدٸ بولادى.
