Ulttyq bank teńgege qatysty ahýaldy túsindirdi, dep habarlaidy Dalanews.kz.
Maýsymnyń qorytyndysy boiynsha teńge baǵamy 1 AQSh dollary úshin 519,73 teńgege deiin, iaǵni 1,7%-ǵa álsiredi. Qazaqstan qor birjasyndaǵy saýda-sattyqtyń ortasha kúndik kólemi bir aida 238 mln AQSh dollarynan 235 mln AQSh dollaryna deiin azaidy. Jalpy saýda-sattyq kólemi 4,7 mlrd AQSh dollary bolady.
"Qysqa merzimdi perspektivada teńge baǵamynyń dinamikasy toqsan saiynǵy salyq tólemderine, álemdik ahýalǵa jáne geosaiasi ózgeristerge bailanysty bolady", - dep jazylǵan habarlamada.
Maýsymda Ulttyq qordan 800 mln AQSh dollaryna valiýta satylǵan.
"Bul respýblikalyq biýdjetke transfertter bólýdi qamtamasyz etýge múmkindik berdi. Ulttyq qordan satý úlesi jalpy saýda-sattyq kóleminiń 17%-y nemese kúnine shamamen 40 mln AQSh dollary boldy", - dep jazylǵan habarlamada.
Ulttyq bank maýsymda valiýta interventsiiasyn júrgizgen joq.
