Otandyq tele-radıo arnalar men olardyń ınternet resýrstary jáne áleýmettik jelilerde tikeleı efırde kórsetiletin shara tańǵy saǵat 09:00-den bastalyp túngi 01:00-ge deıin jalǵasady.
Marafonǵa saıasatkerler, saıasattanýshylar men depýtattar, qoǵam qaıratkerleri, mádenıet, sport salasynyń ókilderi, belsendi jastar jáne blogerler qatysady. Jobany elimizge esimi keńinen tanymal 27 telejýrnalıst júrgizedi.
Telemarafonda túrli taqyryptarda dıskýssıalar uıymdastyrylyp, elimizdiń barlyq aımaǵynan jáne shetelderden tikeleı qosylymdar jasalady.
Sondaı-aq elektorattyń saıası belsendiligi boıynsha saǵat saıyn baspasóz konferensıalary uıymdastyrylyp, halyqaralyq baıqaýshylar, sarapshylar, Bas prokýratýra, İshki ister mınıstrliginiń ókilderi daýys berý barysy boıynsha sońǵy aqparattarmen bólisip otyrady.
Marafonnyń TED-x formatyndaǵy alańynda QR Oqý-aǵartý mınıstri Ashat Aımaǵambetov, QR Ǵylym jáne joǵary bilim mınıstri Saıasat Nurbek, QR Sıfrlyq damý jáne aeroǵarysh ónerkásibi mınıstri Baǵdat Mýsın, «Qazaqstandyq Nık Výıchıch» Álı Turǵanbekov jáne basqa da tanymal tulǵalardyń motıvasıalyq monologtary josparlanǵan. Al «Ekspress-kamera» alańynda jýrnalıserge marafonǵa qatysatyn 1500-den astam qonaqpen suhbat júrgizýge múmkindik jasalady.
Shara barysynda Mıras Júginisov, Dastan Orazbekov, Marjan Arapbaeva, Rúhıa Baıdúkenova, Mádı Syzdyqov, Sadraddın, Kalıfornıa syndy sahna juldyzdary men tanymal stendaperler óner kórsetedi.
Onlaın marafon 20 qarasha kúni Astana qalasy «Qazmedıa ortalyǵynyń» kınokonsert zalynda ótedi.
