Almatyda strim kezinde qazaqstandyq qyzdarǵa qatysty beiádep ári qorlaityn sóz aitqan Resei azamattary – Rinat Pashaev pen Anar Abdýllaevqa qatysty qylmystyq is qozǵalý máselesi qaralýda, dep habarlaidy Dalanews.kz.
Buǵan deiin sot olardy qoǵamdyq tártipti buzǵany úshin 15 táýlikke ákimshilik qamaýǵa alǵan. Alaida rezonans munymen shektelmedi.
Bas prokýrordyń orynbasary Ǵalymjan Qoigeldievtiń málimdeýinshe, atalǵan blogerlerdiń áreketine Qazaqstan Respýblikasy Qylmystyq kodeksiniń 174-baby – áleýmettik, ulttyq, rýlyq, násildik, taptyq nemese dini arazdyqty qozdyrý boiynsha quqyqtyq baǵa berilýde. Qazirgi tańda materialdar ishki ister organdarynyń óndirisinde.
174-bap boiynsha kiná dáleldense, aiyppuldan bastap bas bostandyǵynan aiyrýǵa deiingi jaza kózdelgen.
Osylaisha, bastapqyda ákimshilik quqyqbuzýshylyq retinde qaralǵan oqiǵa endi qylmystyq jaýapkershilik deńgeiine ótýi múmkin.
