Ultymnyń umytylmas qazynasy

Dalanews 28 maý. 2015 09:10 179

6669Tanymy mol, tarıhy tereńde jatqan , ulttyq salt - dástúrdiń ulaǵatty urpaq tárbıeleýde alatyn orny zor. Jas urpaqtyń ulttyq sana sezimin baıytýda, qazaq halqynyń yrymdary men tyıymdaryn, nanym - senimderin, ulttyq ydystary men kıim keshekterin, at ábzelderi, ulttyq oıyndary, ulttyq taǵamdary, sálemdesý ádepteri, qol óner buıymdary, qazaqtyń qara shańyraǵy qara kıgiz úıdiń qurylysy , qala berdi úı jıhazdary,umytylǵan salt-dástúrleri sıaqty ata saltymyzdy jańǵyrtý maqsatynda Aqsý qalasy bilim bóliminiń qoldaýymen etno lagerdiń ár aýylda boı kóterýi quptarlyq jaı, árıne.

Ulttyq rýhymyzdy ósip kele jatqan jetkinshekterdiń boıyna sińirip, ana tilimiz ben ádebıetimizdi, ata babalardyń tarıhyn, ónerin, ónegesin qasterlep, ǵasyrdan-ǵasyrǵa jalǵasqan halyqtyń salt-dástúrlerin dáripteý arqyly , qolda bar halyqtyń asyl muralaryn tárbıe kózi retinde talapqa saı qoldanýymyz kerek.

Etno mádenı lagerdiń ashylý barysynda mektep muǵalimderi men birge oqýshylar kıgiz úıdiń qurylysyn, qurý ádis tásilderin baıqap tamashalady, úırendi deýge de bolady. İshki jıhazdaryn jınaý barysynda qyzdar jaǵy da qyzyqtap, ózderi kıgiz úıdiń osynsha oıý-órnektermen áshekeılengen kezde, tús kıgizderdi ilgende tańyrqap, tamsana qarady.

Saltanatty ashylý rásiminde «Alastaý»,»Shashý», «Qonaq káde», «Toıbastar» jasalyp oqýshylar toıbastardy men aıtamdalap, bir- birine kezek bermedi . Toıbastar aıtylyp,qonaq kádesi jasalyp, ulttyq sýsyny qymyzdan aýyz tıip, ádep-ǵuryptarmen jalǵasyn tapty. Bala tárbıesindegi qyrqynan shyǵarý, tusaý kesý, ashamaıǵa mingizý balanyń sana sezimin jetildirý úshin jasalatyn taǵy da basqa salt dástúrlerdi lagerdiń tárbıeshileri men oqýshylary úlken yjdahattylyqpen kórsete bildi.

Sonymen birge qazaqtyń ulttyq «Arqan tartý», «Teńge alý», «Aýdaryspaq» oıyndary oınatyldy. Saltymyz, dástúrimiz, ulttyq qazynamyz umytylmaı jalǵasyn taba bersin degim keledi.

Q.Qamzın atyndaǵy orta mektebiniń
tárbıe isi jónindegi orynbasary
Sergazına Dıara Ermekbaıqyzy




Usynylǵan
Sońǵy jańalyqtar
x