![6669](/uploads/images/20240128164446814.jpg)
ۇلتتىق رۋحىمىزدى ءوسىپ كەلە جاتقان جەتكىنشەكتەردىڭ بويىنا ءسىڭىرىپ، انا ءتىلىمىز بەن ادەبيەتىمىزدى، اتا بابالاردىڭ تاريحىن، ونەرىن، ونەگەسىن قاستەرلەپ، عاسىردان-عاسىرعا جالعاسقان حالىقتىڭ سالت-داستۇرلەرىن دارىپتەۋ ارقىلى ، قولدا بار حالىقتىڭ اسىل مۇرالارىن تاربيە كوزى رەتىندە تالاپقا ساي قولدانۋىمىز كەرەك.
ەتنو مادەني لاگەردىڭ اشىلۋ بارىسىندا مەكتەپ مۇعالىمدەرى مەن بىرگە وقۋشىلار كيگىز ءۇيدىڭ قۇرىلىسىن، قۇرۋ ءادىس تاسىلدەرىن بايقاپ تاماشالادى، ۇيرەندى دەۋگە دە بولادى. ىشكى جيھازدارىن جيناۋ بارىسىندا قىزدار جاعى دا قىزىقتاپ، وزدەرى كيگىز ءۇيدىڭ وسىنشا ويۋ-ورنەكتەرمەن اشەكەيلەنگەن كەزدە، ءتۇس كيگىزدەردى ىلگەندە تاڭىرقاپ، تامسانا قارادى.
سالتاناتتى اشىلۋ راسىمىندە «الاستاۋ»،»شاشۋ»، «قوناق كادە»، «تويباستار» جاسالىپ وقۋشىلار تويباستاردى مەن ايتامدالاپ، ءبىر- بىرىنە كەزەك بەرمەدى . تويباستار ايتىلىپ،قوناق كادەسى جاسالىپ، ۇلتتىق سۋسىنى قىمىزدان اۋىز ءتيىپ، ادەپ-عۇرىپتارمەن جالعاسىن تاپتى. بالا تاربيەسىندەگى قىرقىنان شىعارۋ، تۇساۋ كەسۋ، اشامايعا مىنگىزۋ بالانىڭ سانا سەزىمىن جەتىلدىرۋ ءۇشىن جاسالاتىن تاعى دا باسقا سالت داستۇرلەردى لاگەردىڭ تاربيەشىلەرى مەن وقۋشىلارى ۇلكەن ىجداھاتتىلىقپەن كورسەتە ءبىلدى.
سونىمەن بىرگە قازاقتىڭ ۇلتتىق «ارقان تارتۋ»، «تەڭگە الۋ»، «اۋدارىسپاق» ويىندارى ويناتىلدى. سالتىمىز، ءداستۇرىمىز، ۇلتتىق قازىنامىز ۇمىتىلماي جالعاسىن تابا بەرسىن دەگىم كەلەدى.
ق.قامزين اتىنداعى ورتا مەكتەبىنىڭ
تاربيە ءىسى جونىندەگى ورىنباسارى
سەرگازينا ديارا ەرمەكبايقىزى