Belgili saiasattanýshy Damir Belgibaev Máskeýdegi teraktke qatysty pikir bildirdi, - dep habarlaidy Dalanews.kz.
Sarapshy áleýmettik jelidegi paraqshasynda terrorizm búginde adamzatqa tónip turǵan basty qaýiptiń biri ekenin aitty.
"Sebebi ol kez-kelgen jerde, kez - kelgen ýaqytta bolýy múmkin jáne onyń qurbany qarapaiym halyq.
Sońǵy kúnderi álem nazary Máskeýde. Ol jerde bolǵan lańkestikte qaza bolǵandar sany 130 - dan asyp, jaralanǵandar sany 180- nen asyp jyǵyldy. Jazyqsyz bútindei otbasy, qamsyz sábi de lańkestik qurbany boldy. Júrgizip otyrǵan saiasatyna qaramastan, qarapaiym halyqtyń qaiǵysyn túsinip, búkil álem bir sát orys halqymen birge boldy. Eshkim lańkestikti jaqtamaityny belgili, Qazaqstanda qatań aiyptaitynyn jetkizdi", - dep jazdy ol.
Búgin Memleket basshysy Qasym-Jomart Toqaev AQSh senatory Stiv Deinspen kezdesýinde Reseidegi keiingi jaǵdaiǵa qatysty Qazaqstannyń ustanymyn aitty. Prezident halyqaralyq jáne óńirlik qaýipsizdik máselesine basa mán berip, qiyn-qystaý shaqta Qazaqstan Reseimen birge ekenin málimdedi.
"Ult qaýipsizdigi memlekettik saiasattyń basty mindeti. Osy oraida el Prezidenti birden Qaýipsizdik keńesiniń otyrysyn ótkizip quzyrly organdarǵa terrorizmmen kúresý sharalaryn, onyń aldyn-alý áreketteri jaily birqatar tapsyrmalar berip, halyqaralyq uiymdarmen de áriptestikti arttyrý máselesin talqylady.
Sonymen qatar, búgingi AQSh senatory Stiv Deinspen bolǵan kezdesý barysynda da halyqaralyq jáne óńirlik qaýipsizdik máseleleri jaily sóz qozǵap, Qazaqstannyń terrorizmge qarsy sharaǵa únemi kómek qolyn sozyp, birige kúsh jumyldyrýǵa daiyn ekenin atap ótken", - dep jazdy sarapshy bul týraly.
Buǵan deiin Máskeý qalasynyń aýdandyq sotyna Krokýs-Ekspo saýda oiyn-saýyq ortalyǵynda aýqymdy terroristik akt jasady degen kúdiktiler ákelingen bolatyn. Keiinirek Basman aýdandyq soty terrorister tobyna qatysty aldyn ala tergeý organdarynyń bultartpaý sharasyn tańdaý týraly ótinishin qaraýǵa kiristi.
Reseidiń Tótenshe jaǵdailar ministrliginiń aldyn ala aqparaty boiynsha terroristerdiń atys qarýyn qoldanýy men saýda oiyn-saýyq ortalyǵy órtenýinen 130-dan asa adam qaza tapqan, zardap shekkenderdiń sany 180 adamnan asady.
Sot buǵan deiin ustalǵan kúdiktilerge 1 ai 28 táýlik merzimge, iaǵni 2024 jylǵy 22 mamyrǵa deiin qamaýǵa alý túrindegi bultartpaý sharasyn tańdady.
