Májilis depýtaty Ermurat Bapi Májiliste "Halyq bankke" qatysty máseleni kóterdi,- habarlaidy Dalanews.kz.
Ol Qazaqstan Respýblikasynyń Bas prokýroryna depýtattyq saýal joldady.
"Meniń depýtattyq saýalyma budan bes jyl buryn bankrottyqqa ushyraǵan adal sharýalar, iaǵni jerdiń pai úlesine ie Soltústik Qazaqstan oblysynyń qarapaiym fermerleriniń janaiqaiy arqaý bolyp otyr. Sharýalar ózderine tiesili jerlerine qatysty dýshar bolyp otyrǵan máseleleri boiynsha maǵan júgingen bolatyn. Ótinish berýshilerdiń málimdeýinshe, "Alibi" agroholdinginiń basshylyǵy osy azamattarǵa tiesili jer ýchaskelerin paishylardyń ruqsatynsyz alaiaqtyq jolmen, olardyń qoldaryn qoiý arqyly ártúrli qarjy institýttaryna, onyń ishinde "Halyq bank" AQ-na kepilge qoiyp, nesieler alǵan. Al alynǵan qaryzdar birden shetelge shyǵarylyp otyrǵan", - deidi depýtat.
Bapidiń sózinshe, "Halyq banki" bolsa qalyptasqan jaǵdaida óz quqyǵyn teris paidalanyp, paishylarǵa qarsy múldem josyqsyz áreketterge baryp otyrǵan kórinedi. Al sottyń sheshimimmen Halyq bankiniń paidasyna 4,3 mlrd. teńge kóleminde qaryz óndiriledi.
"Bank tarapynan 12 sharýashylyqtyń bereshegin óndirip alý sharalary qolǵa alynady. Osylaisha, 2020-2021 jyldary 5 kepil berýshi sharýashylyqtyń jer ýchaskeleri elektrondyq saýda-sattyq ótkizý arqyly 2,9 mlrd. teńgege satylady. Iaǵni, 12 sharýashylyqtyń 5 jer telimin satý arqyly holdingtiń "Halyq bank" AQ aldyndaǵy qaryzynyń úshten ekisi óteledi. Al qalǵan jerdi odan ári satý qaryzdy merziminen buryn óteýge jáne jerdiń bir bóligin kepil berýshilerge qaitarýǵa alyp keletin edi. Alaida quny qaryz somasynan asatyn kepil zattyń bir bóligin paishylarǵa qaitarýdyń ornyna, qaryz qaldyǵynan artylǵan jer telimin naryqtyq qunynan tómen baǵada kollektorǵa berip jiberedi.
Osylaisha, atalǵan banktiń kesirinen Soltústik Qazaqstan oblysy Aiyrtaý aýdanyndaǵy "Novosvetlovka-Alibi" JShS-niń 357 paishysy japa shegip, 18 myń gektar jerinen airylǵaly otyr. Olar úshin negizgi kúnkórisi jerinen airylý – úlken tragediia!" - dedi depýtat Bapi.
Ermurat Bapi paishylar ózderiniń aktivterin qaitarý úshin bank aldyndaǵy qaryzdy óteýge de daiyn ekenin, sondyqtan osy máseleni arnaiy kelisim komissiiasyn quryp, paishylarmen birige otyryp barynsha tez ári ádil sheshý qajet ekenin málimdedi.
