Qarjy monitoringi agenttigi Ulytaý oblysynyń jalpy bilim berý uiymdarynda azyq-túlik jáne birinshi qajettiliktegi taýarlardyń baǵasynyń negizsiz qymbattaýyna bailanysty tekserýdi bastady, dep habarlaidy Dalanews.kz.
Mysaly, Jezqazǵan qalasynyń 12 mektepke deiingi uiymdarynda áleýmettik mańyzy bar azyq-túlik taýarlaryn jeke kásipkerlerden qymbat baǵaǵa satyp alý faktileri anyqtaldy.
Óndirýshi zaýyttan tutynýshyǵa deiingi baǵanyń aiyrmashylyǵy: qant 303 tg/kg men 750 tg/kg (147%), qaraqumyq jarmasy 232 tg/kg men 580 tg/kg (150%); airan 2,5% 450 tg/l. men 179 tg/l. (135%); nan 475 tg/dana men 85 tg/dana (274%); taýyq jumyrtqasy 65 tg/dana men 43 tg/dana (51%) bolǵan.
Qabyldanǵan sharalardyń nátijesinde ónim berýshimen qosymsha kelisimder jasaldy. Onyń qorytyndysy boiynsha nan, un, qant, ósimdik maiy, airan, qaraqumyq, kúrish, sábiz, piiaz, tuz, jumyrtqa men kartoptyń baǵasy túsip, 17 mln teńgeden asa soma únemdeldi.
