Ulytaý oblysynda mal urlyǵymen aınalysqan qylmystyq top ustaldy dep habarlaıdy Dalanews.kz Polisia.kz saıtyna silteme jasap.
Ulytaý oblysy polısıa departamentiniń krımınaldyq polısıa basqarmasynyń jedel ýákilderi júrgizgen jedel-izdestirý is-sharalary nátıjesinde Jańaarqa aýdanynda mal urlyǵymen aınalysqan qylmystyq top áshkerelendi.
Tergeý barysynda anyqtalǵandaı, top quramyna Jańaarqa aýdany men Qaraǵandy qalasynyń 18–22 jas aralyǵyndaǵy turǵyndary kirgen. Bıylǵy jyldyń qyrkúıek pen qarasha aılary aralyǵynda olar aýdan aýmaǵynda birneshe ret mal urlaǵan. Kúdiktiler túngi ýaqytta jaıylyp júrgen maldy atyp, soıyp alǵan, sondaı-aq qora-jaılardan da mal urlaǵan. Tergeý nátıjesinde olardyń 7 bas iri qara men 2 jylqyny jymqyrýǵa qatysy bar ekeni dáleldendi. Qazirgi ýaqytta atalǵan derek boıynsha sotqa deıingi tergep-tekserý júrgizilýde. Kúdiktiler ýaqytsha ustaý ızolátoryna qamaýǵa alyndy. Polısıa turǵyndardy óz múlkine, sonyń ishinde mal basyna muqıat qaraýǵa, maldy qaraýsyz qaldyrmaýǵa, sondaı-aq qaýipsizdik sharalaryn – beınebaqylaý men jaryqtandyrý ornatý sıaqty sharalardy qoldanýǵa shaqyrady.
