ۇلىتاۋ وبلىسىندا مال ۇرلىعىمەن اينالىسقان قىلمىستىق توپ ۇستالدى دەپ حابارلايدى Dalanews.kz Polisia.kz سايتىنا سٸلتەمە جاساپ.
ۇلىتاۋ وبلىسى پوليتسييا دەپارتامەنتٸنٸڭ كريمينالدىق پوليتسييا باسقارماسىنىڭ جەدەل ۋەكٸلدەرٸ جٷرگٸزگەن جەدەل-ٸزدەستٸرۋ ٸس-شارالارى نەتيجەسٸندە جاڭاارقا اۋدانىندا مال ۇرلىعىمەن اينالىسقان قىلمىستىق توپ ەشكەرەلەندٸ.
تەرگەۋ بارىسىندا انىقتالعانداي, توپ قۇرامىنا جاڭاارقا اۋدانى مەن قاراعاندى قالاسىنىڭ 18–22 جاس ارالىعىنداعى تۇرعىندارى كٸرگەن. بيىلعى جىلدىڭ قىركٷيەك پەن قاراشا ايلارى ارالىعىندا ولار اۋدان اۋماعىندا بٸرنەشە رەت مال ۇرلاعان. كٷدٸكتٸلەر تٷنگٸ ۋاقىتتا جايىلىپ جٷرگەن مالدى اتىپ, سويىپ العان, سونداي-اق قورا-جايلاردان دا مال ۇرلاعان. تەرگەۋ نەتيجەسٸندە ولاردىڭ 7 باس ٸرٸ قارا مەن 2 جىلقىنى جىمقىرۋعا قاتىسى بار ەكەنٸ دەلەلدەندٸ. قازٸرگٸ ۋاقىتتا اتالعان دەرەك بويىنشا سوتقا دەيٸنگٸ تەرگەپ-تەكسەرۋ جٷرگٸزٸلۋدە. كٷدٸكتٸلەر ۋاقىتشا ۇستاۋ يزولياتورىنا قاماۋعا الىندى. پوليتسييا تۇرعىنداردى ٶز مٷلكٸنە, سونىڭ ٸشٸندە مال باسىنا مۇقييات قاراۋعا, مالدى قاراۋسىز قالدىرماۋعا, سونداي-اق قاۋٸپسٸزدٸك شارالارىن – بەينەباقىلاۋ مەن جارىقتاندىرۋ ورناتۋ سيياقتى شارالاردى قولدانۋعا شاقىرادى.
