Ulytaý oblysynda prokýratýra jer qoinaýyn óz betinshe paidalaný faktilerin anyqtady, dep habarlaidy Dalanews.kz.
Ulytaý oblysynyń Mamandandyrylǵan tabiǵat qorǵaý prokýratýrasy Ulytaý aýdanynda paidaly qazbalardy óz betinshe óndirý shemasyn anyqtady jáne Qylmystyq kodekstiń 334-baby boiynsha 2 qylmystyq is tirkedi.
Tergeý nátijesi boiynsha kináli tulǵalar qylmystyq jaýaptylyqqa tartyldy, 51 mln teńge ekologiialyq zalal óteldi, 136 mln teńge mólsherinde jer qoinaýy resýrstaryna keltirilgen zalaldy óndirip alý boiynsha sharalar qabyldanýda.
Sonymen qatar, Jer kodeksiniń talaptaryna sáikes paidalanylmaityn jáne zańnamany buza otyryp paidalanylatyn jerlerdi anyqtaý qalalar men aýdandardyń jergilikti atqarýshy organdarynyń quzyretine jatqyzylǵan.
Alaida taldaýmen jergilikti atqarýshy organdardyń senip tapsyrylǵan aýmaqtarda paidaly qazbalardy zańsyz óndirýdiń jolyn kesý boiynsha áreketsizdik faktileri anyqtaldy.
Tek «Qazaqstan Ǵarysh sapary»ǵaryshtyq monitoringiniń derekteri boiynsha (nedro.gharysh.kz), oblys aýmaǵynda paidaly qazbalardy óz betinshe óndirý belgileri bar 53 ýchaske belgilengen.
Osyǵan bailanysty tabiǵat qorǵaý prokýratýrasynyń usynýy boiynsha oblys ákimdigi qalalar men aýdandardyń ákimderine paidaly qazbalardy óz betinshe óndirý faktilerin ýaqtyly anyqtaýǵa baǵyttalǵan sharalardy qabyldaýdy tapsyrdy.
Jergilikti atqarýshy organdardyń kináli laýazymdy adamdary tártiptik jaýapkershilikke tartyldy.
