Qazaqstanda 5-shi Dúniejúzilik kóshpendiler oiyndary qarsańynda 2024 jylǵy 3-7 qyrkúiek aralyǵynda alǵash ret "Uly dala joryǵy" halyqaralyq marafon-báigesi ótedi, dep habarlaidy Dalanews.kz.
Aýqymdy sporttyq sharaǵa 10-nan astam elden komandalar qatysady dep kútilýde. Iran, Túrkiia, Vengriia, Qyrǵyzstan, Ońtústik Afrika Respýblikasy Resei Federatsiiasynyń jáne t.b. elderdiń shnabandozdary dúbirli dodada baq synaityn bolady.
Atap aitsaq, Qyrǵyzstan quramasy "Uly dala joryǵyna" qatysatyn eń úzdik attardy irikteý maqsatynda kópkúndik at sporty marafonyn ótkizdi.
Qyrǵyzstan At sporty federatsiiasynyń vitse-prezidenti Manas Sultanov "Uly dala joryǵy" marafon-báigesine shaqyrýdy qabyldaý úlken mártebe ekenin aitty.
"Qazaqstanda ótetin kópkúndik at jarysyna daiyndyq aiasynda 300 shaqyrymdyq qashyqtyqqa "Kochmondor jýrýshý" irikteý marafony ótti. Barlyq komandalarǵa sáttilik tileimin jáne jeńimpazdardyń kóp bolýyn qalaimyn. Eń tózimdi jáne jyldam sáigúlikter jeńiske jetip, tuǵyrdan kórinetinine senimdimin", - dedi M.Sultanov.
Marafon-báige 5 myń jyldan astam buryn adam balasy jylqy malyn alǵash ret qolǵa úiretken Soltústik Qazaqstan oblysyndaǵy Botai eldi mekeninde 3 qyrkúiekte bastaý alady.
"Uly dala joryǵyna" Kabardin-Balqar Respýblikasynyń quramasy da qatysýǵa daiyndalýda. "AMD Kavkaz" at sporty klýbynyń negizin qalaýshy Ahed Mahov qazaqstandyq at jarysyna qatysýǵa shaqyrtý alǵanyn aitty.
"Marafon-báigeniń búkil adamzat úshin kieli meken sanalatyn Botai qonysynan bastalýy erekshe mańyzdy. Bizdiń komanda ańyzdar men tarihi jádigerlerge toly Botai jerine barýǵa erekshe yntaly. Olai bolsa, kút bizdi, Qazaqstan!", - dep atap ótti A.Mahov.
At jarysy elorda - Astanada 7 qyrkúiekte aiaqtalady. Onyń jeńimpazdary 8 qyrkúiekte ótetin 5-shi Dúniejúzilik kóshpendiler oiyndarynyń ashylý saltanatyna qatysady.
"Uly dala joryǵy" – jylqy balasynyń eń myqty tuqymy anyqtalatyn dalalyq laborotoriiasy.
Esterińizge sala keteiik, "JORYQ" respýblikalyq federatsiiasy Qazaqstan Respýblikasy Ulttyq sport qaýymdastyǵynyń quramyna kiredi. Sonymen qatar, Qaýymdastyq quramyna báige, kókpar, aýdaryspaq, asyq atý, sadaq atý, jamby atý, teńge ilý, qusbegilik jáne t.b. federatsiialar kiredi. Qazaqstan Respýblikasynyń Ulttyq sport qaýymdastyǵyna belgili kásipker, metsenat, "Altyn Qyran" qory qamqorshylyq keńesiniń tóraǵasy" Islambek Saljanov basshylyq etedi.
