قازاقستاندا 5-شٸ دٷنيەجٷزٸلٸك كٶشپەندٸلەر ويىندارى قارساڭىندا 2024 جىلعى 3-7 قىركٷيەك ارالىعىندا العاش رەت "ۇلى دالا جورىعى" حالىقارالىق مارافون-بەيگەسٸ ٶتەدٸ, دەپ حابارلايدى Dalanews.kz.
اۋقىمدى سپورتتىق شاراعا 10-نان استام ەلدەن كوماندالار قاتىسادى دەپ كٷتٸلۋدە. يران, تٷركييا, ۆەنگرييا, قىرعىزستان, وڭتٷستٸك افريكا رەسپۋبليكاسى رەسەي فەدەراتسيياسىنىڭ جەنە ت.ب. ەلدەردٸڭ شناباندوزدارى دٷبٸرلٸ دودادا باق سىنايتىن بولادى.
اتاپ ايتساق, قىرعىزستان قۇراماسى "ۇلى دالا جورىعىنا" قاتىساتىن ەڭ ٷزدٸك اتتاردى ٸرٸكتەۋ ماقساتىندا كٶپكٷندٸك ات سپورتى مارافونىن ٶتكٸزدٸ.
قىرعىزستان ات سپورتى فەدەراتسيياسىنىڭ ۆيتسە-پرەزيدەنتٸ ماناس سۇلتانوۆ "ۇلى دالا جورىعى" مارافون-بەيگەسٸنە شاقىرۋدى قابىلداۋ ٷلكەن مەرتەبە ەكەنٸن ايتتى.
"قازاقستاندا ٶتەتٸن كٶپكٷندٸك ات جارىسىنا دايىندىق اياسىندا 300 شاقىرىمدىق قاشىقتىققا "كوچموندور جۋرۋشۋ" ٸرٸكتەۋ مارافونى ٶتتٸ. بارلىق كوماندالارعا سەتتٸلٸك تٸلەيمٸن جەنە جەڭٸمپازداردىڭ كٶپ بولۋىن قالايمىن. ەڭ تٶزٸمدٸ جەنە جىلدام سەيگٷلٸكتەر جەڭٸسكە جەتٸپ, تۇعىردان كٶرٸنەتٸنٸنە سەنٸمدٸمٸن", - دەدٸ م.سۇلتانوۆ.
مارافون-بەيگە 5 مىڭ جىلدان استام بۇرىن ادام بالاسى جىلقى مالىن العاش رەت قولعا ٷيرەتكەن سولتٷستٸك قازاقستان وبلىسىنداعى بوتاي ەلدٸ مەكەنٸندە 3 قىركٷيەكتە باستاۋ الادى.
"ۇلى دالا جورىعىنا" كاباردين-بالقار رەسپۋبليكاسىنىڭ قۇراماسى دا قاتىسۋعا دايىندالۋدا. "امد كاۆكاز" ات سپورتى كلۋبىنىڭ نەگٸزٸن قالاۋشى احەد ماحوۆ قازاقستاندىق ات جارىسىنا قاتىسۋعا شاقىرتۋ العانىن ايتتى.
"مارافون-بەيگەنٸڭ بٷكٸل ادامزات ٷشٸن كيەلٸ مەكەن سانالاتىن بوتاي قونىسىنان باستالۋى ەرەكشە ماڭىزدى. بٸزدٸڭ كوماندا اڭىزدار مەن تاريحي جەدٸگەرلەرگە تولى بوتاي جەرٸنە بارۋعا ەرەكشە ىنتالى. ولاي بولسا, كٷت بٸزدٸ, قازاقستان!", - دەپ اتاپ ٶتتٸ ا.ماحوۆ.
ات جارىسى ەلوردا - استانادا 7 قىركٷيەكتە اياقتالادى. ونىڭ جەڭٸمپازدارى 8 قىركٷيەكتە ٶتەتٸن 5-شٸ دٷنيەجٷزٸلٸك كٶشپەندٸلەر ويىندارىنىڭ اشىلۋ سالتاناتىنا قاتىسادى.
"ۇلى دالا جورىعى" – جىلقى بالاسىنىڭ ەڭ مىقتى تۇقىمى انىقتالاتىن دالالىق لابوروتوريياسى.
ەستەرٸڭٸزگە سالا كەتەيٸك, "JORYQ" رەسپۋبليكالىق فەدەراتسيياسى قازاقستان رەسپۋبليكاسى ۇلتتىق سپورت قاۋىمداستىعىنىڭ قۇرامىنا كٸرەدٸ. سونىمەن قاتار, قاۋىمداستىق قۇرامىنا بەيگە, كٶكپار, اۋدارىسپاق, اسىق اتۋ, ساداق اتۋ, جامبى اتۋ, تەڭگە ٸلۋ, قۇسبەگٸلٸك جەنە ت.ب. فەدەراتسييالار كٸرەدٸ. قازاقستان رەسپۋبليكاسىنىڭ ۇلتتىق سپورت قاۋىمداستىعىنا بەلگٸلٸ كەسٸپكەر, مەتسەنات, "التىن قىران" قورى قامقورشىلىق كەڭەسٸنٸڭ تٶراعاسى" يسلامبەك سالجانوۆ باسشىلىق ەتەدٸ.
