«Uly Dala Altyny» kórmesi APOLLO jýrnalymen mýzeı álemindegi eń kórnekti oqıǵa retinde tanylǵany belgili.
– Qazaqstannyń mádenı murasyn ilgeriletýdegi tarıhı qadam retinde búginde ekspozısıa Brıtandyq Fısýılám murajaıynda usynylǵan. Mundaı aýqymdy is-sharalar arheologıalyq zertteýlerdiń óńirlik baǵdarlamasyn iske asyrýdyń arqasynda múmkin bolyp otyr. Birneshe nysandardaǵy qazba jumystaryna bizdiń belgili arheologtar ǵana emes, sondaı-aq ejelgi saq dáýiriniń murasyna kýá bolýǵa nıettengen basqa elderdiń stýdentteri de qatysady. Tabylǵan zattar metaldardy óńdeý týraly bilimderi bar jáne teńdessiz zergerlik sheberlikke ıe bolǵan kóshpendilerdiń órkenıet deńgeıiniń óte joǵary bolǵandyǵyn ańǵartady, – dedi Danıal Ahmetov.
Oblys basshysy Danıal Ahmetov atap ótkendeı, bizdiń tarıh ǵylymdarynyń doktorlary Zeınolla Samashev pen Ábdesh Tóleýbaev 3 tomdyq «Shyǵys Qazaqstannyń ejelgi dáýiri», «Qazaqstan tarıhy» monografıalaryn daıyndaý men basyp shyǵarýǵa negiz bolǵan jańashyldyqty qolǵa alyp, tól mádenıetimizdi qundy derektermen tolyutyrýda.
