Úleskerlerdiń máselesi tolyqtai sheshimin tapty
Ózderińizge belgili, 2008-2009 jyldar aralyǵynda Almaty oblysynda 4129 úleskeri bar 21 problemalyq nysan bolatyn. 2009 jyly memlekettik qarjylandyrýdyń kómeginsiz 12 nysan boiynsha 1553 úleskerdiń máselesi sheshilgen bolatyn.
«Sonymen qatar, memlekettik qarjylyq qoldaýdyń arqasynda taǵy 34 keshenniń qurylysy aiaqtalyp, nátijesinde taǵy 9 nysan boiynsha 2576 úleskerdiń máselesi sheshimin tapty. Bul maqsatqa biýdjetten 34,588 mlrd. teńge bólingen bolatyn, onyń 34,009 mlrd. teńgesi respýblikalyq biýdjetten bólingen bolsa, 0,579 mlrd. teńge jergilikti biýdjetten qarastyryldy. Osynyń arqasynda barlyq qajetti injenerlik júieleri tartylǵan 355 myń sharshy metr jańa turǵyn úi boi kóterdi», - dep habarlaidy Núgirbek Abýlǵazin.
N. Abýlǵazinniń habarlaýynsha, úleskerlerdiń máselesi boiynsha sońǵy nysan sanalatyn «Ómiruzaq» turǵyn úi kesheni boiynsha sońǵy qurylys jumystary aǵymdaǵy jyldyń tamyz aiynda aiaqtalǵan. Jalpy aýmaǵy 20,922 myń sharshy metr bolatyn 114 páterden turatyn 51 jeke turǵyn úi turǵyzyldy. Nátijesinde 105 úleskerdiń máselesi ońdy sheshimin tapty.
Osylaisha, búgingi kúni Almaty oblysynda úleskerlik qurylystyń problemalyq máseleleri tolyqtai sheshildi.
Derekkózi: zhetysu.gov.kz
