Qazaqstanda LGBTK ókilderine arnalǵan jańa sait ashyldy. Munda qazaq jáne orys tilinde aqparattar usynylǵan.
Jynystyq azshylyq ókilderine arnalǵan portal Selftanu.kz ataýyna ie.
Táýelsiz keńistikte geiler, lesbiler men biseksýaldar (LGBT) kez kelgen suraǵyna jaýap taba alady. Sebebi sait ártúrli maqalany qamtidy.
Máselen, “Baǵdarym jaily oilanyp júrmin”, “Ul nemese qyz ekenime kúmánim bar”, “Dosym LGBTK adam siiaqty”, Ata-ana men muǵalim úshin”, “Ózgelerdiń qasynda ózimdi qalai ustaimyn” degen syndy taqyryptar tóńireginde aqparattar berilgen. Al ár taqyrypshanyń ishinde jeke-jeke suraqtardyń jaýaby qarastyrylǵan.
Qazirgi tańda LGBT qaýymdastyǵy dáripteitin áreketter basylmai tur. Beiresmi statistikaǵa súiensek, elimizde halyqtyń 10 %-yn LGBT ókilderi quraidy-mys.
Esterińizge sala keteiik, buǵan deiin atalmysh máseleni májilis depýtaty Ardaq Nazarov kótergen edi. Onyń aitýynsha, qazir gomoseksýalizm iri megapolisterdiń jeke menshik mektepterinde qarqyndy nasihattalyp jatyr. Bul óz kezeginde qazaq halqynyń ǵasyrlar boiy qalyptasqan salt-dástúrin, ulttyq qundylyqtaryn joiýdy kózdeidi.
