– AQSH-tan basqa taǵy 40 el Ýkraınanyń áskerı áleýetin arttyrý úshin qoldaý kórsetýde. Osylaısha bizder Ýkraınanyń maıdan dalasynda jeńiske jetip, aldaǵy ýaqytta kelissózderde óz talaptaryn batyl qoıýyna jol ashatyn bolamyz, – dedi AQSH-tyń memlekettik hatshysy Blınken.
Osylaısha Amerıka Ýkraınanyń terıtorıalyq tutastyǵy men táýelsizdigin saqtaýǵa múddeli ekenin bildirdi.
Reseı áskeri Kıev úshin shaıqasta oısyraı jeńilip, endi Ýkraınanyń ońtústik-shyǵysyn basyp alý úshin jantalasyp jatqany belgili.
Óz kezeginde Blınken Reseıdi álsiretý úshin AQSH pen ózge elder aýyr sanksıalar salyp, ekonomıkalyq múmkindigin shektep jatqanyn da alǵa tartty.
Kúni keshe ǵana AQSH prezıdenti Djo Baıden Ýkraın áskerin qoldaý maqsatynda quny 1 mlrd dollar bolatyn áskerı kómekke qol qoıǵan bolatyn.
Al AQSH-tyń Bas shtabynyń basshysy, general Mark Mıllı keshe Brússelde ótken kezdesýde maýsymnyń aıaǵyna deıin Ýkraınaǵa alys qashyqtaǵy nysandy joıatyn zymyrandy keshen (RSZO) jetkiziletinin alǵa tartty. Osy qarýdyń paıdalaný úshin Ýkraınanyń 60 sarbazy qazir oqý-jattyǵýdan ótip jatyr eken.
