– اقش-تان باسقا تاعى 40 ەل ۋكراينانىڭ ەسكەري ەلەۋەتٸن ارتتىرۋ ٷشٸن قولداۋ كٶرسەتۋدە. وسىلايشا بٸزدەر ۋكراينانىڭ مايدان دالاسىندا جەڭٸسكە جەتٸپ, الداعى ۋاقىتتا كەلٸسسٶزدەردە ٶز تالاپتارىن باتىل قويۋىنا جول اشاتىن بولامىز, – دەدٸ اقش-تىڭ مەملەكەتتٸك حاتشىسى بلينكەن.
وسىلايشا امەريكا ۋكراينانىڭ تەرريتورييالىق تۇتاستىعى مەن تەۋەلسٸزدٸگٸن ساقتاۋعا مٷددەلٸ ەكەنٸن بٸلدٸردٸ.
رەسەي ەسكەرٸ كيەۆ ٷشٸن شايقاستا ويسىراي جەڭٸلٸپ, ەندٸ ۋكراينانىڭ وڭتٷستٸك-شىعىسىن باسىپ الۋ ٷشٸن جانتالاسىپ جاتقانى بەلگٸلٸ.
ٶز كەزەگٸندە بلينكەن رەسەيدٸ ەلسٸرەتۋ ٷشٸن اقش پەن ٶزگە ەلدەر اۋىر سانكتسييالار سالىپ, ەكونوميكالىق مٷمكٸندٸگٸن شەكتەپ جاتقانىن دا العا تارتتى.
كٷنٸ كەشە عانا اقش پرەزيدەنتٸ دجو بايدەن ۋكراين ەسكەرٸن قولداۋ ماقساتىندا قۇنى 1 ملرد دوللار بولاتىن ەسكەري كٶمەككە قول قويعان بولاتىن.
ال اقش-تىڭ باس شتابىنىڭ باسشىسى, گەنەرال مارك ميللي كەشە بريۋسسەلدە ٶتكەن كەزدەسۋدە ماۋسىمنىڭ اياعىنا دەيٸن ۋكرايناعا الىس قاشىقتاعى نىساندى جوياتىن زىمىراندى كەشەن (رسزو) جەتكٸزٸلەتٸنٸن العا تارتتى. وسى قارۋدىڭ پايدالانۋ ٷشٸن ۋكراينانىڭ 60 ساربازى قازٸر وقۋ-جاتتىعۋدان ٶتٸپ جاتىر ەكەن.
