Telearnanyń málimetinshe, AQSH prezıdenti Djo Baıden Ýkraınaǵa qosymsha qarý-jaraq pen oq-dári jóneltýdi osy apta basynda maquldaǵan.

Vashıngton Kıevke qýatty qarý túrlerin berýge alǵash ret kelisip otyr. Birneshe apta buryn Baıden ákimshiligindegi keıbir sheneýnikter Mı-17 tikushaǵynyń 11 danasy, 18 155-mm gaýbısa, 300 Switchblade drony tárizdi qýatty qarý túrlerin Kıevke berý jaǵdaıdy ýshyqtyryp jiberýi múmkin degen qaýip aıtqan.

Juma kúni AQSH qorǵanys mınıstrliginiń joǵary laýazymdy ókili qarý-jaraq pen jabdyqtar tıelgen alǵashqy reıs aımaqqa aldaǵy kúnderi jetkiziledi dep málimdegen.

Ýkraına prezıdenti Vladımır Zelenskıı senbi kúni Ýkraına aqparat quraldaryna bergen suhbatynda, AQSH, Ulybrıtanıa, Polsha jáne birqatar memleketter "qazirgi kezde ýkraınalyqtarǵa jaqsy dem berip jatyr" dedi.

"Biraq qalasa, odan da kúshtirek qoldaı alar edi" dedi. Onyń sózinen "Ýkraınskaıa pravda" saıty úzindi keltiredi.