Bul jarlyq boıynsha, kelisimshartqa qol qoıǵan sheteldiktiń ózine ǵana emes, onyń otbasyna da Reseı azamattyǵy beriledi.
Reseı áskerinen densaýlyǵy men ózge de jaǵdaılaryna baılanysty bosaǵan sheteldikter de Reseı azamattyǵyna qabyldaý týraly aryz bere alady.
2023 jyly mamyrda Pýtın Reseı qorǵanys mınıstrligimen kelisimshartqa qol qoıǵan sheteldikterge Reseı azamattyǵyn jeńildetilgen tártippen berý týraly jarlyqqa qol qoıǵan.
Reseıde keıingi birneshe aıda bazardan, qurylystardan, jataqhanalardan, meshitten jáne taǵy da basqa adam kóp jınalatyn jerden mıgranttardy ustap, birden áskerı komısarıatqa jetkize bastaǵany baıqalǵan. Mıgranttardyń kópshiligi buryn sovet elderinen Reseıge jumys izdep kelgender. Olardyń arasynda Reseı pasportyn alyp qoıyp, endi Ýkraınadaǵy soǵysqa barýǵa májbúr bolyp jatqandar da bar.
