Birneshe kúnnen beri elimizdegi belsendi azamattar Ýkraına halqyna arnap, dári-dármekke aqsha jınaýdy bastaǵan-dy. Bul bastama halyq arasynda aıryqsha qoldaýǵa ıe bolyp, kópshilik qoldan kelgen kómegin aıamaǵan dep habarlaıdy qaz.ulysmedia.kz

Búginde jınalǵan qarajattyń kólemi 50 mln teńgeden asyp ketipti. Muny estigen elimizdegi Ýkraına elshisi Petr Vrýblevskıı qazaq halqyna alǵys aıtyp, rızashylyǵyn bildirdi.

– Senbi kúni qazaqtar Ýkraınaǵa arnap jylý jınaı bastaǵanyn estidim. Tańerteń ǵana 2 mln teńge týrasynda áńgime bop jatqan edi. Arada 15-20 mınýttan keıin, álgi soma ósip, artynsha oǵan saǵat saıyn 1 mln teńgeden qosylyp, keshqurym 10 mln teńge deıin jetti.

Al búginge deıin 50 mln teńgege deıin aqsha jınalypty. Adamdar ózine qajetti dári-dármekti «Ýkraınaǵa aparyńdar» dep tapsyryp jatqanyn da estidim. Osyny kórgen kezde kózimnen jas shyǵyp ketti, – deıdi Petr Vrýblevskıı myrza.

https://youtu.be/IIx-3JIXn1Q