بۇگىندە جينالعان قاراجاتتىڭ كولەمى 50 ملن تەڭگەدەن اسىپ كەتىپتى. مۇنى ەستىگەن ەلىمىزدەگى ۋكراينا ەلشىسى پەتر ۆرۋبليەۆسكيي قازاق حالقىنا العىس ايتىپ، ريزاشىلىعىن ءبىلدىردى.
– سەنبى كۇنى قازاقتار ۋكرايناعا ارناپ جىلۋ جيناي باستاعانىن ەستىدىم. تاڭەرتەڭ عانا 2 ملن تەڭگە تۋراسىندا اڭگىمە بوپ جاتقان ەدى. ارادا 15-20 مينۋتتان كەيىن، الگى سوما ءوسىپ، ارتىنشا وعان ساعات سايىن 1 ملن تەڭگەدەن قوسىلىپ، كەشقۇرىم 10 ملن تەڭگە دەيىن جەتتى.
ال بۇگىنگە دەيىن 50 ملن تەڭگەگە دەيىن اقشا جينالىپتى. ادامدار وزىنە قاجەتتى دارى-دارمەكتى «ۋكرايناعا اپارىڭدار» دەپ تاپسىرىپ جاتقانىن دا ەستىدىم. وسىنى كورگەن كەزدە كوزىمنەن جاس شىعىپ كەتتى، – دەيدى پەتر ۆرۋبليەۆسكيي مىرزا.
https://youtu.be/IIx-3JIXn1Q
