Ýkraina Qara teńizdegi qazaqstandyq munai eksporty úshin mańyzdy nysandarǵa shabýyl jasamaýǵa kelisti, dep habarlaidy dalanews.kz
Bloomberg agenttiginiń málimetinshe, kelisim aiasynda Ýkraina Reseige qatysy joq munai tankerlerine, sondai-aq Kaspii qubyr konsortsiýmynyń (KQK) infraqurylymdyq nysandaryna soqqy berýden bas tartqan.
Basylym deregine sáikes, bul sheshim ótken aida tankerlerge jasalǵan shabýyldardan keiin qabyldanǵan. Sol shabýyldardyń saldarynan keibir kemelerge munai tieý jumystary ýaqytsha toqtatylǵan.
Amerikalyq sheneýniktiń aitýynsha, Ýkraina KQK terminalyna baǵyttalǵan, biraq Reseimen bailanysy joq kemelerge shabýyl jasamaýǵa mindetteme alǵan. Alaida bul talap tek Ýkraina sanktsiiasyna ilinbegen jáne reseilik júk tasymaityn kemelerge qatysty qoldanylady. Sonymen qatar kemelerdiń ieleri de Resei azamattary nemese reseilik kompaniialar bolmaýy tiis.
Kaspii qubyr konsortsiýmy – Qazaqstan munaiyn eksporttaýdyń negizgi baǵyty. Konsortsiým arqyly Teńiz, Qashaǵan jáne Qarashyǵanaq ken oryndarynan óndirilgen munai syrtqy naryqtarǵa jetkiziledi. Jyl saiyn bul baǵytpen keminde 60 million tonna qazaqstandyq munai tasymaldanady.
