Áleýmettik kásipkerlik (ÁK) mektebiniń úshinshi ári sońǵy kezdesýi kásipkerlik daǵdylardy damytý men uiymdardyń strategiialyq josparlaryn daiyndaýdy maqsat etedi.
Alǵash ret 15 ÚEU basshylary ALMAU janyndaǵy ÚEU Saraptama Ortalyǵy sheńberinde bas qosqan. Kezdesý barysynda olar áleýmettik kásipkerlik uǵymymen tanysyp, biznes-ideialar men resýrstardy izdeý ádisterin bildi, Áleýmettik kásipkerlik mektebinde oqytý baǵdarlamasymen tanysty, óz biznes-jobalaryn qurastyrýǵa kiristi.
Ekinshi kezdesý strategiialyq jospar negizinde bolashaq kásiporynnyń biznes-josparyn qurastyrýǵa baǵyttaldy. Jobaǵa qatysýshylar orys jáne qazaq tilderinde teoriialyq bilim alyp qana qoiǵan joq, sonymen qatar alynǵan bilimderin tájiribe júzinde bekitti. Árbir qatysýshyǵa bekitilgen úilestirýshi biznes-jospardy jazý barysynda jáne uiymnyń áleýetin arttyrý men áleýmettik kásipkerlikpen ainalysýǵa qajetti máseleler boiynsha keńes berdi.
«Joba tek teoriia turǵysynan emes, sondai-aq tájiribelik daǵdylar turǵysynan da óte paidaly. Birte-birte, óz úilestirýshilerimizdiń kómegimen biz kásibi jetilýmen qatar kásipkerlik daǵdylarymyzdy da damytyp kelemiz! Biz bir komandaǵa ainaldyq jáne bolashaqta tabysty áleýmettik kásipkerlerge ainalamyz degen senimdemin!», - Shymkent q., «Asyl Bolashaq» QQ mektepke qatysýshy Natalia Mýrzina óz pikirin bildirdi.
Úshinshi kezeńge eń tabandy 10 ÚEU jetti, olar jobanyń sharttaryna asqan baisaldylyqpen qarady jáne biznes-jobalaryn qurastyrdy, al keibiri áleýmettik kásiporyndaryn iske qosyp, alǵashqy qadamdaryn da jasap jatyr.
Áleýmettik kásipkerlik mektebi Ortalyq Aziianyń Eýraziia Qorymen Qazaqstandaǵy «Shevron» kompaniiasynyń qoldaýymen júzege asyrylyp jatqan «ÚEU Saraptama Ortalyǵynyń ornyqtylyǵy jónindegi bastama» jobasynyń aiasynda quryldy. Mektep áleýmettik kásipkerliktiń negizderine oqytýdy jáne ÚEU-dyń áleýmettik kásipkerlikpen ainalysýǵa qajetti áleýetin arttyrýdy maqsat etedi.
«Bul joba áleýmettik kásipkerlik negizderine oqytýdy jáne ÚEU-nyń áleýmettik kásipkerlikpen ainalysýǵa qajetti áleýetin damytýdy maqsat etedi. Qarjylai ornyqty bolý úshin, óz betinshe aqsha tabýmen qatar áleýmettik máselelerdi sheship úirený qajet. Bizdiń jobamyz osy máselelerdi qamtidy. Jańa alynǵan bilimderimen qatysýshylarymyz óz uiymdarynyń turaqty damýy úshin kútpegen joldar men sheshimder tabady dep úmittenemiz», - deidi jobanyń menedjeri Alma Sholpanqulova.
«ÚEU Saraptama ortalyǵynyń ornyqtylyǵy jónindegi bastama» jobasy ortalyqtyń qarjylai turaqtylyǵyn arttyrýǵa, sondai-aq oqýǵa qajetti áleýeti men talpynysy bar ÚEU-lar arasynda áleýmettik kásipkerlikti damytýǵa baǵyttalǵan.
Qosymsha aqparat alý úshin OAEQ Joba jónindegi assistenti Jazira Júnisovaǵa habarlasyńyz tel: (727) 250-18-10, ishki 134 nemese 8 7012133205, zhazira@ef-ca.org.
