Qazaqstanda zańsyz nemese «sur» shemalar arqyly ákelinetin kólikterge qatysty baqylaý kúsheitiledi. Premer-ministr Oljas Bektenov jaýapty memlekettik organdarǵa on kún ishinde mundai kólikterdiń elge kirýine jol bermeitin naqty sharalar ázirleýdi tapsyrdy, dep habarlaidy dalanews.kz.
Úkimettiń málimetinshe, zańsyz ákelingen keibir kólikter tehnikalyq ári ekologiialyq talaptarǵa sáikes kelmeidi. Osyǵan bailanysty Qarjy ministrligi men Ónerkásip ministrligi kedendik baqylaýdy kúsheitip, tehnikalyq retteý júiesine jańa tetikter engizbek.
"Zańsyz nemese "sur" shemalar arqyly kólik ákelýdiń jolyn kesýge baǵyttalǵan naqty sharalar on kún ishinde ázirlenýi tiis", – dedi Oljas Bektenov Úkimet otyrysynda.
Jańa talaptar 2026 jylǵy 1 qyrkúiekten bastap kúshine enedi. Olardyń oryndalýyn baqylaý Premer-ministrdiń birinshi orynbasary Nurlybek Nálibaevqa júkteldi. Sondai-aq jańa ózgerister kúshine engenge deiin halyqqa keńinen túsindirý jumystary júrgizilmek.
