Qazaqstannyń jańa premer-ministri Oljas Bektenov úndeý jasady, - dep habarlaidy Dalanews.kz.
Úkimet basshysy qai salalarǵa basymdyq beriletinin atap, qoldaý kórsetken depýtattarǵa alǵysyn bildirdi.
"Depýtattar, meniń kandidatýramdy qoldaǵandaryńyzǵa shynaiy rizashylyǵymdy bildiremin. Memleket basshysy elimizdiń ekonomikasy men áleýmettik salasyn damytý baǵytynda birqatar aýqymdy tapsyrmalar berdi, barlyǵy múltiksiz oryndalady. Buryn-sońdy bolmaǵan syn-qaterler tóńireginde zor ekonomikalyq serpilis jasaýymyz kerek, halyqtyń ál-aýqatyn arttyrý maqsatynda Úkimet batyl ári tiimdi qadamdar jasaityn bolady. Munai-gaz jáne kómir himiiasy, metaldy tereń óńdeý, mashina jasaý, avtobólshekter shyǵarý, iaǵni joǵary deńgeide óńdelgen ónim shyǵaratyn salalardy barynsha damytamyz.
Otandyq óndirisimizdi yntalandyrýǵa baǵyttalǵan sharalar qabyldanatyn bolady. Qazaqstanda jasalǵan taýarlardyń úlesin arttyryp, otandyq óndirýshilerdi qoldaý maqstandy ofteik júiesin tolyq iske qosamyz. Basty maqsat– basqa eldiń emes, ózimizdiń ulttyq biznesimizdi qoldaý. Aýyl sharýashylyǵy salasynyń zor áleýetin durys paidalaný mańyzdy. Et, sút, astyq ónimderin tereń óńdeýge nazar aýdaramyz. Elektr qýaty, jylý, sýmen qamtamasyz etý baǵytynda belsendi jumys atqaramyz.Tiimsiz shyǵyndardy qysqartyp, únemdelgen qarajat infraqurylymdy jańartýǵa joldanatyn bolady. Kólik logistika salasyn damytyp, elimizdiń tranzittik áleýetin arttyrý Úkimet jumysyndaǵy basymdyqtardyń biri bolatyny sózsiz", - dedi Bektenov.
Sonymen qatar, Úkimet mańyzdy mindetter boiynsha jumys isteitinine ýáde berdi.
"Tsifrlandyrý, jasandy intellekttiń qoldaný salasyn keńeitý - asa mańyzdy mindetter. Memleket basshysy belgilegen zań men tártip qaǵidatyn iske asyrýǵa baǵyttalǵan sharalar qabyldaimyz. Basqa da halyqtyń kókeiinde turǵan ózekti máseleler únemi Úkimettiń nazarynda bolady. Qurmetti Prezident myrza, qurmetti depýtattar Úkimet halqymyzdyń igiligine, elimizdiń órkendeýine qyzmet etedi", - dedi ol.
