Úkimet Shýche-Býrabai kýrorttyq aimaǵyn damytýdyń 2029 jylǵa deiingi josparyn bekitti, dep habarlaidy Dalanews.kz.
Qazaqstan Premer-ministri Oljas Bektenov Shýche-Býrabai kýrorttyq aimaǵyn damytýdyń 2025-2029 jyldarǵa arnalǵan keshendi josparyn bekitý týraly qaýlyǵa qol qoidy.
Qujat 137,2 mlrd teńgege 118 is-sharany qamtidy jáne týristik infraqurylymdy, kólik logistikasyn, tsifrlyq sheshimderdi, qaýipsizdik júiesin damytýǵa, sondai-aq investitsiialar tartýǵa baǵyttalǵan.
Josparǵa sáikes, demalys ornyn jańǵyrtý negizgi baǵyttardy, sonyń ishinde jyl boiy jumys isteitin týristik nysandar salýdy, ekologiialyq jáne sporttyq týrizmdi damytýdy, jańa rekreatsiialyq aimaqtar qurylysyn qamtidy. Atap aitqanda, Qatarkól kóliniń janynda balalar ortalyqtaryn, sporttyq-saýyqtyrý keshenderin jáne jyl boiy akvapark uiymdastyrý qarastyrylyp otyr. Júkei kóliniń mańynda kempingter, glempingter jáne jańa týristik baǵyttar ashylady, al Kishi Shabaqty kólinde jalǵa berý stansalary, qaiyq turaǵy, jaǵalaý infraqurylymy men jaǵajailar bolady.
Qysqy demalys túrlerin damytý keńinen josparlanǵan, olardyń arasynda shańǵymen syrǵanaý erekshe suranysqa ie. Sporttyq jabdyqtardy jalǵa beretin, tamaqtaný orny men kádesyi dúkenderi bar shańǵy bazasyn uiymdastyrý kózdelýde.
Kýrorttyq aimaqqa qol jetkizýdiń yńǵaily bolýyn qamtamasyz etý úshin kólik infraqurylymy, onyń ishinde vizit-ortalyqtary bar kópdeńgeili turaqtar jáne tamaqtaný pýnktteri salynady.
Jospardy iske asyrý kelýshi týrister sanynyń 35 myńnan 94 myń adamǵa deiin ulǵaiýyna, týrizm salasyndaǵy jumyspen qamtý kórsetkishiniń 22 myńnan 32,5 myń adamǵa deiin ósýine jáne 22,7 mlrd teńge mólsherinde jeke investitsiialar tartýǵa ákeledi dep kútilýde. Óńir ekonomikasyndaǵy týrizm úlesi 1,4%-dan 3,5%-ǵa deiin ulǵaiýy tiis.
Kýrorttyq aimaqty damytý Qazaqstannyń óńirdiń týristik kartasyndaǵy ustanymyn nyǵaitady, sondai-aq ishki týrizmniń tartymdylyǵyn arttyrady.
