Ministrler kabineti Nazarbaev Ýniversitetiniń prezidentin halyqaralyq qarjy uiymdarymen yntymaqtastyǵy jónindegi úilestirý keńesiniń quramynan shyǵardy, dep habarlaidy Dalanews.kz.
“Qazaqstan Respýblikasynyń Úkimeti men halyqaralyq qarjy salasyndaǵy yntymaqtastyǵy jónindegi úilestirý keńesin qurý týraly” Qazaqstan Respýblikasy premer-ministriniń 2022 jylǵy 9 qyrkúiektegi № 145-ókimine mynadai ózgerister men tolyqtyrýlar engizildi. Kórsetilgen buiryqqa sákes qosymshada: Qazaqstan Respýblikasy Úkimetiniń halyqaralyq qarjy uiymdarymen yntymaqtastyǵy jónindegi úilestirý keńesiniń quramynda: “Nazarbaev Ýniversiteti” derbes bilim berý uiymynyń prezidenti” degen jol (kelisim boiynsha); “alynyp tastaldy”, - delingen úkimet qaýlysynda.
Qazir ýniversitet prezidentiniń mindetin AQSh-tan kelgen Ilesanmi Adesida atqarady.
Sonymen qatar ministrler kabineti mynadai sheshim qabyldady:
- “Qazaqstan Respýblikasynyń Ulttyq ekonomika ministri, Tóraǵanyń orynbasary” degen jol mynadai óńdeý nusqasymen jazylsyn: “ Qazaqstan Respýblikasy premer-ministriniń orynbasary – Qazaqstan Respýblikasy Ulttyq ekonomika ministri, tóraǵanyń orynbasary”;
- "Qazaqstan Respýblikasy premer-ministriniń orynbasary - Qarjy ministri" degen jol alyp tastalsyn;
- “Qazaqstan Respýblikasynyń Ádilet ministri” degen joldan keiin mynadai mazmundaǵy “Qazaqstan Respýblikasynyń qarjy ministri”jolmen tolyqtyrylsyn.
