Premer-ministr Oljas Bektenov Aýyl sharýashylyǵy ministri Aidarbek Saparovqa QR Parlamenti Májilisiniń depýtaty Jigýli Dairabaevpen kezdesýdi tapsyrdy, dep habarlaidy Dalanews.kz.
Úkimet otyrysynda Aýyl sharýashylyǵy ministri Aidarbek Saparov baiandama jasap, aýyl sharýashylyǵy ónimderin qaita óńdeýdi damytýdyń 2024-2028 jyldarǵa arnalǵan keshendi josparyn ázirlegenin jetkizdi.
Aýyl sharýashylyǵy ministrligi basshysynyń baiandamasyn tyńdaǵan Oljas Bektenov kúni keshe májilis depýtaty Jigýli Dairabaevpen kezdesip, aýyl sharýashylyǵyna bailanysty negizgi máselelerdi talqylaǵanyn sóz etti.
“Onyń aýyl sharýashylyǵyn damytý, shekaralas eldi mekender, aýyl sharýashylyǵy ónimderin óńdeý, aýyl sharýashylyǵy tehnikasyn shyǵaratyn kásiporyndardy qoldaý jáne basqa da baǵyttar boiynsha kóptegen ideiasy bar. Aidarbek Seipiluly (aýyl sharýashylyǵy ministri), depýtatpen kezdesip, bárin egjei-tegjeili talqylap, maǵan naqty usynystar engizińiz. Jalpy, depýtattyq korpýspen tyǵyz jumys jasaý kerek”, - dedi ol úkimet otyrysynda.
Aýyl sharýashylyǵy ministri Aidarbek Saparovtyń aitýynsha, keshendi jospar aiasynda jalpy somasy 176,2 mlrd teńgeni quraityn 58 jobany iske asyrý josparlanyp otyr.
