پرەمەر-مينيستر ولجاس بەكتەنوۆ اۋىل شارۋاشىلىعى ءمينيسترى ايداربەك ساپاروۆقا ق ر پارلامەنتى ءماجىلىسىنىڭ دەپۋتاتى جيگۋلي دايرابايەۆپەن كەزدەسۋدى تاپسىردى، دەپ حابارلايدى Dalanews.kz.
ۇكىمەت وتىرىسىندا اۋىل شارۋاشىلىعى ءمينيسترى ايداربەك ساپاروۆ بايانداما جاساپ، اۋىل شارۋاشىلىعى ونىمدەرىن قايتا وڭدەۋدى دامىتۋدىڭ 2024-2028 جىلدارعا ارنالعان كەشەندى جوسپارىن ازىرلەگەنىن جەتكىزدى.
اۋىل شارۋاشىلىعى مينيسترلىگى باسشىسىنىڭ بايانداماسىن تىڭداعان ولجاس بەكتەنوۆ كۇنى كەشە ءماجىلىس دەپۋتاتى جيگۋلي دايرابايەۆپەن كەزدەسىپ، اۋىل شارۋاشىلىعىنا بايلانىستى نەگىزگى ماسەلەلەردى تالقىلاعانىن ءسوز ەتتى.
“ونىڭ اۋىل شارۋاشىلىعىن دامىتۋ، شەكارالاس ەلدى مەكەندەر، اۋىل شارۋاشىلىعى ونىمدەرىن وڭدەۋ، اۋىل شارۋاشىلىعى تەحنيكاسىن شىعاراتىن كاسىپورىنداردى قولداۋ جانە باسقا دا باعىتتار بويىنشا كوپتەگەن يدەياسى بار. ايداربەك سەيپىل ۇلى (اۋىل شارۋاشىلىعى ءمينيسترى)، دەپۋتاتپەن كەزدەسىپ، ءبارىن ەگجەي-تەگجەيلى تالقىلاپ، ماعان ناقتى ۇسىنىستار ەنگىزىڭىز. جالپى، دەپۋتاتتىق كورپۋسپەن تىعىز جۇمىس جاساۋ كەرەك”، - دەدى ول ۇكىمەت وتىرىسىندا.
اۋىل شارۋاشىلىعى ءمينيسترى ايداربەك ساپاروۆتىڭ ايتۋىنشا، كەشەندى جوسپار اياسىندا جالپى سوماسى 176،2 ملرد تەڭگەنى قۇرايتىن 58 جوبانى ىسكە اسىرۋ جوسپارلانىپ وتىر.
