QR Ulttyq ekonomıka mınıstrligi jańa Salyq kodeksi sheńberinde Úkimet qaýlylarynyń jobasyn usynyp otyr, dep habarlaıdy Dalanews.kz
Talqylaýǵa shyǵarylǵandar:
- jeńildetilgendeklarasıanegizinde arnaýly salyq rejımin (ASR) qoldanýǵa tyıym salynǵan qyzmet túrleriniń tizbesi;
- ózin-ózijumyspenqamtyǵandar úshin ASR qoldanýǵa ruqsat etilgen qyzmet túrleriniń tizimi.
Bul qujattar Kodekstiń 718 jáne 723-baptaryn oryndaý úshin ázirlengen jáne arnaıy salyq rejımin qoldanýdy retke keltirýge, ashyqtyqty arttyrýǵa jáne kásipkerlikti qoldaýǵa arnalǵan.
Tyıym salý tizimi
Jeńildetilgen deklarasıa negizinde ASR qoldanystaǵy eki rejımniń, jeńildetilgen deklarasıa men bólshek salyqtyń elementterin biriktiredi.
Rejımdi paıdalana almaıtyndar:
- tabysy jylyna 600 myń AEK-ten (2, 359 mlrd teńge) asatyn bıznes sýbektileri;
- basqa kompanıalardyń úlesi 25%-dan asatyn zańdy tulǵalar;
- quryltaıshylary nemese qatysýshylary bir mezgilde, ASR-degi basqa zańdy tulǵalarǵa qatysatyn nemese quryltaıshysy bolyp tabylatyn uıymdar;
- komersıalyq emes uıymdar;
- arnaıy salyq rejımin qoldanatyn zańdy tulǵanyń quryltaıshysy nemese qatysýshysy bolyp tabylatyn salyq tóleýshiler (jeke tulǵalar, jeke kásipkerler);
- AEA, "Astana Hab" qatysýshylary;
- birlesken qyzmet sharty boıynsha jumys isteıtin salyq tóleýshiler.
Tyıym salynǵandar tizbesine iri bıznespen baılanysty salalar: óńdeý ónerkásibi, qurylys, jer qoınaýyn paıdalaný, tabıǵı monopolıa sýbektileriniń qyzmeti, kóterme saýda, 2000 sharshy metrden astam alańdaǵy rıteıl, telekomýnıkasıa, ınternet pen IT, qarjylyq jáne saqtandyrý qyzmeti, kásibı agenttik jáne konsaltıńtik qyzmet, ǴZTKJ jáne t. b. kiredi.
1111 EQJJ-nyń ishinde shekteý 795 qyzmet túrine (EQJJ-nyń 70%-y) áser etkenmen, salyq tóleýshilerge shaqqanda, shamamen 30% ǵana.
Negizgi sebep — bul salalardaǵy operasıalardyń edáýir bóligi (jıyntyq aınalymnyń 76%-dan astamy) jalpyǵa birdeı belgilengen rejımdi qoldanatyn iri bıznespen jasalǵan mámilelerge tıesili: qurylysta — 99,9%, jer qoınaýyn paıdalanýda-98,7%, kólik pen qoımada-96,7%.
Jeńildetilgen rejım quqyǵyn saqtaıtyndar
Jeńildetilgen rejımdi turǵyndarǵa baǵdarlanǵan 300-ge jýyq qyzmet túrine qaldyrý usynylady:
- 2000 sharshy metrge deıingi alańdaǵy bólshek saýda (dárihanalardy qosa alǵanda);
- taýarlarǵa poshta arqyly nemese Internet jelisi arqyly tapsyrys berý arqyly jasalatyn bólshek saýda, jelilik marketıń, sondaı-aq dúkennen tys basqa da bólshek saýda;
- turý, tamaqtaný, turǵyn úıdi jalǵa alý men kólik qyzmeti;
- jeńil jáne tamaq ónerkásibi;
- jolaýshy tasymaly;
- mektepke deıingi jáne qosymsha bilim berý salasyndaǵy qyzmet, medısınalyq jáne áleýmettik qyzmet;
- turǵyndarǵa arnalǵan turmystyq jáne qurylys jumysy;
- shyǵarmashylyq ındýstrıa, sport, mádenıet;
- aýyl sharýashylyǵy.
Nátıjesinde jeńildetilgen rejım barlyq salyq tóleýshilerdiń shamamen 70%-yna beriledi. B2C-ge baǵyttalǵan shaǵyn bıznes ASR boıynsha jumysyn jalǵastyryp, al iri qyzmet túri jalpyǵa birdeı belgilengen rejımge kóshedi.
Sonymen qatar, jalpy belgilengen rejımge kóshken kezde aınalymy jylyna 40 mln teńgege deıingi salyq tóleýshiler QQS tólemeıdi.
Qujat ASR-di josyqsyz paıdalanýdy qysqartýǵa, ákimshilendirýdiń tıimdiligin arttyrýǵa, salyq júktemesin ádil bólýge jáne shaǵyn bıznes úshin neǵurlym qolaıly jaǵdaı jasaýǵa múmkindik beredi.
Ózin-ózi jumyspen qamtyǵandarǵa ruqsat berý tizimi
QR Úkimetiniń jekelegen qaýlysymen JK tirkemegen, jumyskeri joq jáne aıyna 300 AEK-ke deıingi kiris alatyn ózin-ózi jumyspen qamtyǵandar úshin qoljetimdi qyzmet túrleriniń tizbesin bekitý usynylady. Bul ólshemshartqa 46 baǵyt sáıkes keledi.
ASR qoldaný quqyǵy aıaq kıim jóndeý, sport pen demalys salasyndaǵy bilim berý, mádenıet salasyndaǵy bilim berý, bilim berý salasyndaǵy basqa da kómekshi qyzmet, turǵyn úıdi jınaý, fotosýret qyzmeti, sulýlyq salony qyzmeti, mamandandyrylǵan qurylys jumysy, taksı qyzmeti, jaldaý jáne jalǵa berý, kompúterlerdi, jeke tutyný zatyn, turmystyq taýar jóndeý, sondaı-aq ózge de jeke qyzmetterde saqtalady.
«Ózin-ózi jumyspen qamtyǵandar úshin arnaýly salyq rejımin qoldanýǵa ruqsat etilgen qyzmet túrleriniń tizbesin bekitý týraly» Qazaqstan Respýblıkasynyń Úkimeti qaýly jobasyna silteme: https://legalacts.egov.kz/npa/view?id=15606691
«Ońaılatylǵan deklarasıa negizinde arnaýly salyq rejımin qoldanýǵa tyıym salynǵan qyzmet túrleriniń tizbesin bekitý týraly» Qazaqstan Respýblıkasynyń Úkimeti qaýly jobasyna silteme: https://legalacts.egov.kz/npa/view?id=15606668
