Almaty oblysyndaǵy Esik ózeni jeke menshikke ótip ketkeni týraly habar tarady. Oblys ákimdigi bul aqparatqa qatysty jaýap berdi, - dep habarlaidy Dalanews.kz
"El azamattary jeke menshikke ótip ketken Eńbekshiqazaq aýdanyndaǵy Esik ózenin memleketke qaitarýdy talap etýde", - delingen telegramdaǵy jazbada.
Almaty oblysy ákimi Marat Sultanǵazievtiń baspasóz hatshysy Janna Arynbekovanyń sózinshe, Esik kólindegi bóget 2024 jyldyń 9 qańtarynda kommýnaldyq menshikke qaitarylǵan.
"2019 jyldyń 8 sáýirindegi qaýly negizinde 141,643 ga jer ýchaskesi bar Esik kólindegi bógetti keiinnen satyp alý quqyǵysyz 49 jyl merzimge senimgerlik basqarýǵa berilgen.
Shart "Qazelektroenergiia" JShS-men 1 milliard 052 million teńge somasyna jasalǵan. 2023 jyly Almaty oblysynyń qarjy basqarmasy mindettemelerdiń oryndalýyna baqylaý júrgizý barysynda "Qazelektroenergiia" JShS sharttyq mindettemeleriniń tiisinshe oryndalmaýyn, onyń ishinde qarjylyq qyzmet, atqarylǵan jumys týraly esepterdi ýaqtyly usynbaýy, kóldi tazartý boiynsha josparlanǵan jóndeý jumystary men jumystardy oryndamaýy, sondai-aq ýáde etilgen jumys oryndaryn qurmaǵany anyqtaldy",- deidi Janna Arynbekova.
Vedomstvoaralyq komissiia qurylyp, otyrys ótkizilgennen keiin nysandy Almaty oblysynyń kommýnaldyq menshigine qaitarý týraly sheshim qabyldanǵan.
"Qarjy basqarmasy Shartty buzyp, nysandy qaitarý maqsatynda sotqa talap aryz bergen jáne Almaty oblysynyń MAES 2024 jyly 9 qańtardaǵy sheshimi negizinde shart buzylyp, Esik kólindegi bóget memleketke qaitaryldy", - deidi Arynbekova.
