"Ý emes, sý!". Qorǵanys ministrligi "tikushaqtar virýs shashyp júr" degenderge jaýap qatty
Áleýmettik jelide sói dep jazyp, eldi ábigerge salǵan áieldiń aty-jóni anyqtalyp, jaýapqa tartyldy. Túrkistan oblysy Otyrar aýdanynyń turǵyny "jurt shyrt uiqyda jatqanda tikushaqtar aýaǵa ýly zat shashady. Bul - virýs negizinen balalarǵa juǵady, eki-úsh kúni boiy syrtqa shyqpai, úide otyryńyzdar" dep áleýmettik jeli men WhatsApp messendjeri arqyly feikaqpar taratqan.
Álgi áńgime azdaǵan ýaqyttyń ishinde aýyzdan-aýyzǵa tarap, jurttyń úreiin ushyrǵan edi.
Qorǵanys ministrliginiń málimetinshe eldi dúrliktirgen atyshýly video Mańǵystaý oblysy men Shymkent qalasynda túsirilgen. Videoda tikushaqtardyń aspannan belgisiz suiyq zatty shashyp júrgenin ańǵarýǵa bolady. Álgini kórgen keibir azamattar "aýaǵa adam ýlaityn virýs taratyp jatyr" dep baibalam salǵan.
«Astana» telearnasynyń habarlaýynsha, áýedegi túkushaqtar Qorǵanys ministrligine tiesili eken. Vedomstvo ókilderi oqý-jattyǵý jiyndaryn ótkizgenin aitady. Ministrlik dezinfektsiia jumystaryn júrgizbeidi. Al, tikushaq shashqan suiyq zat – órt sóndirýge arnalǵan qarapaiym sý eken.
«Apta saiyn oqý-jattyǵý sharalary júrgizilip, tikushaqtardy áýege kóteremiz. Onyń aiasynda dala órtin, orman órtin sóndirý úshin sý shashý apparaty qoldanylady. Jattyǵý sharasy ushqyshtardyń kásibiligin shyńdaýǵa, órt kezinde qajetti biiktikti saqtai alýyna arnalǵan», - dedi ministrliktiń baspasóz qyzmeti.
Al feik aqpar taratyp, báse bálege qalǵan áielge qatysty Túrkistan oblysynyń Óńirlik kommýnikatsiialar qyzmeti málimdeme jasady.
«Dálel-dáieksiz, el ishin dúrliktiretin aqparat taratqandar QR Qylmystyq kodeksiniń 274 baby "Kórineý jalǵan aqparat taratý" boiynsha jaýapqa tartylatynyn da eskertemiz. Osy aqparatty "WhatsApp" jelisindegi toptarda taratqan Otyrar aýdanynyń 1973 jyly týǵan azamatshasy qazirgi tańda quzyrly organdarmen anyqtalyp, ákimshilik jaýapkershilikke tartyldy», - delingen atalǵan habarlamada.
https://youtu.be/amRcUenUsHc
https://dalanews.kz/54225
https://youtu.be/9SAa2tmQEoY
