Tina Kandelaki Qazaqstan Respýblikasy Syrtqy ister ministrliginiń ókili Aibek Smadiiarovty Reseige shaqyrdy, dep habarlaidy Dalanews.kz.
Ol SIM ókiline ózara qurmet pen tarihty qadirleýge negizdelgen qarym-qatynas qurýdy usyndy.
“Qurmetti Aibek Serikbaiuly! Sizdiń men jaily jazǵan habarlamańyzdy oqydym. Men qarym-qatynasymyzdy jalǵastyrǵym keledi jáne sizdi osy maqsatta Reseige shaqyramyn. Bizdiń halqymyz ben týǵan jerimizde ortaq nárseler kóp ekenine senimdimin. Endi buǵan tolyǵyraq toqtalyp ótsem. Árine, áńgimeni týǵan ólkem Máskeýden, Abai Qunanbaevtyń eskertkishi ornalasqan Chistoprýdnyi býlvarynan bastaýdy jón kórdim. Sizderge ol jai Abai degen atpen tanymal. Al bizge — orys tili men mádenietin bilý - álemniń qazynasynyń kilti ekenin aitqan adam retinde tanymal.
Endi Máskeý oblysyndaǵy, ǵylymi elita qalasy Zelenogradqa kósheiik. Onyń tujyrymdamasyn taǵy bir ataqty qazaq — sáýletshi Totan Kúzembaev ázirledi. Reseide ol sáýlet óneriniń alǵashqylarynyń biri retinde tanymal. Onyń jumysy “Nikola-Lenivtse” filminde tur. Sáýletshiniń jobalaǵan úileri ártúrli elderde bar. Bul orys mádenietine engen talanttyń dáleli emes pe? Biylǵy jazda Shýsev atyndaǵy sáýlet murajaiynda kórme osy kisige arnaldy. Sonymen qatar Máskeýde eń tanymal ártisterdiń qatarynda Azamat Musaǵaliev pen Nurlan Sabýrov sekildi qazaqtardyń bar ekenin aita ketý qajet”,- dedi Tina Kandelaki.
Osylaisha telejúrgizýshi Resei men Qazaqstan arasynda ádemi estelikter bar ekenin jáne ony eske alýǵa shaqyrdy.
