Sapary barysynda atalǵan túrkiialyq kásipkerler Shymkent qalasyndaǵy «Ońtústik» indýstrialdy aimaq pen arnaiy ekonomikalyq aimaqtyń múmkindikterimen onda ornalasqan kásiporyndardyń jumysymen tanysqan bolatyn.
Óńirde kásipkerlik salasynyń damyp jatqanyn alǵa tarqan túrik delegattary munan soń, jergilikti biznesmendermen B2B formatynda kezdesti. Onda eki jaq aýyl sharýashylyǵyndaǵy jańa tehnologiialarǵa investitsiialar tartý men orta jáne shaǵyn biznesti damytý jaiyn sóz etti.
Kásipkerlermen bolǵan betpe-bet kezdesýde qos tarap keptirilgen jemister jáne azyq-túlikke arnalǵan qaptama óndirý, jylyjaiǵa arnalǵan jabdyqtar shyǵaryp, ornatý, qurǵaq qurylys qospalar men boiaý ónimderin óndirý boiynsha birlesken jobalardy júzege asyrý týraly kelisimge keldi.
Aimaq basshysy kezdesýde oblystyń ekonomikalyq áleýeti men kásipkerlerge kórsetilip jatqan memlekettik qoldaýlardy atap ótti.
– Óńirdiń áleýmettik-ekonomikalyq ahýalymen tanysyp, áleýetin baǵamdaýǵa kelgen delegatsiia múshelerine alǵysym sheksiz. Ońtústikte sheteldik investorlarǵa barlyq qolaily jaǵdailar jasalynyp otyr. Áleýeti zor 11 inýdstrialdy aimaǵymyz bar. Odan bólek aýyl sharýashylyǵy, qurylys salalarynda da birlesken jobalardy júzege asyrýǵa bolady. Eń bastysy – niet túzý, baǵyt-baǵdar aiqyn, kásipkerlikti damytýda ashyqtyq bar, – dedi ákim.
Óz kezeginde sóz alǵan túrik delegattarynyń top basshysy, «Antaliia» indýstrialdy aimaǵynyń bas direktory Ilhan Metin Shymkent qalasynda ornalasqan indýstrialdy aimaqtardyń múmkindigi zor ekenin aityp, birlesken jobalardy júzege asyrýda investitsiia salýǵa nietti ekenin jetkizdi.
Aita keteiik, «Antaliia» indýstrialdy aimaǵy Túrkiiadaǵy áleýetti 5 iri aimaqtyń biri sanalady. Aimaqta 8 salada jumys isteitin eksporttyq ónim óndiretin iri kompaniialar shoǵyrlanǵan.
OQO ákiminiń baspasóz qyzmeti
