Búgin Májilistiń qoǵamdyq palatasynyń otyrysy ótti. Osy tusta saiasatker Ámirjan Qosanov ta jemqorlyq máselelerine bailanysty oiyn bólisti, dep habarlaidy Dalanews.kz.
Saiasatker 30 jyl boiy ornyǵyp kele jatqan jemqorlyqtan bir mezette qutylý múmkin emes ekenin jetkizdi. Dese de arnaiy zańnamamen kúrsesýge bolatyny alǵa tartty.
“Zań jobasyn qarap shyqtym, kóptegen bapty qoldaimyn. Alaida búgin úsh máseleni ataǵym keledi. Birinshi - deklaratsiia. Deklaratsiia tapsyrý nelikten sozylyp ketti? Prezidentten bastap aýyl ákimine, múlkine, qarajatyna qatysty deklaratsiiasy búgin ashýymyz kerek. Áitpese Eski Qazaqstannyń ókilderi sonyń bárin qaita rásimdep jatqan siiaqty” - dedi ol.
Al ekinshi másele retinde ol múddeler qaqtyǵysyn atap ótti. Osy tusta saiasatker antikordy jazalaýshy arnaiy organnyń joq ekenin de tilge tiek etti.
“Antikordy jazalaýshy organ emes deidi. Bir qoǵamda bir túsinbeýshilik bar. Búkil aiyptaý antikordyń aýzynan shyǵady. Antikordyń ózine qandai baqylaý bar? Onda qandai azamattar istep jatyr? Antikordyń óz ishinde saiasi jemqorlyq bolmas úshin qandai mehanizmderdi qoldanyp jatyrsyzdar. Qoǵam oǵan da qarap otyr” – deidi ol.
Ol Eski jáne Jańa Qazaqstannyń arasynda áli de úlken taitalas júrip jatqanyn qaitalap aitty. Soǵan bailanysty saiasatker antikorǵa bailanysty mysalymen bólisip ótti.
“Antikordan kelgen azamat býhgalterdiń kóliginen 1 mlrd teńge tabyldy dep jatyr. Búl Nazarbaevtyń zamanynda da boldy. Toqaevtyń zamanynda da qaitalanyp jatyr. Shabaqtardy ustaidy, al túieni túgimen jutqan akýlalar áli júr. Birinshi bastyq almasa, tómendegisi almaidy. 1 mlrd teńgeni jegen býhgalter degenge eshkim senbeidi”, – deidi Qosanov.
