بۇگىن ءماجىلىستىڭ قوعامدىق پالاتاسىنىڭ وتىرىسى ءوتتى. وسى تۇستا ساياساتكەر ءامىرجان قوسانوۆ تا جەمقورلىق ماسەلەلەرىنە بايلانىستى ويىن ءبولىستى، دەپ حابارلايدى Dalanews.kz.
ساياساتكەر 30 جىل بويى ورنىعىپ كەلە جاتقان جەمقورلىقتان ءبىر مەزەتتە قۇتىلۋ مۇمكىن ەمەس ەكەنىن جەتكىزدى. دەسە دە ارنايى زاڭنامامەن كۇرسەسۋگە بولاتىنى العا تارتتى.
“زاڭ جوباسىن قاراپ شىقتىم، كوپتەگەن باپتى قولدايمىن. الايدا بۇگىن ءۇش ماسەلەنى اتاعىم كەلەدى. ءبىرىنشى - دەكلاراسيا. دەكلاراسيا تاپسىرۋ نەلىكتەن سوزىلىپ كەتتى؟ پرەزيدەنتتەن باستاپ اۋىل اكىمىنە، مۇلكىنە، قاراجاتىنا قاتىستى دەكلاراسياسى بۇگىن اشۋىمىز كەرەك. ايتپەسە ەسكى قازاقستاننىڭ وكىلدەرى سونىڭ ءبارىن قايتا راسىمدەپ جاتقان سياقتى” - دەدى ول.
ال ەكىنشى ماسەلە رەتىندە ول مۇددەلەر قاقتىعىسىن اتاپ ءوتتى. وسى تۇستا ساياساتكەر انتيكوردى جازالاۋشى ارنايى ورگاننىڭ جوق ەكەنىن دە تىلگە تيەك ەتتى.
“انتيكوردى جازالاۋشى ورگان ەمەس دەيدى. ءبىر قوعامدا ءبىر تۇسىنبەۋشىلىك بار. بۇكىل ايىپتاۋ انتيكوردىڭ اۋزىنان شىعادى. انتيكوردىڭ وزىنە قانداي باقىلاۋ بار؟ وندا قانداي ازاماتتار ىستەپ جاتىر؟ انتيكوردىڭ ءوز ىشىندە ساياسي جەمقورلىق بولماس ءۇشىن قانداي مەحانيزمدەردى قولدانىپ جاتىرسىزدار. قوعام وعان دا قاراپ وتىر” – دەيدى ول.
ول ەسكى جانە جاڭا قازاقستاننىڭ اراسىندا ءالى دە ۇلكەن تايتالاس ءجۇرىپ جاتقانىن قايتالاپ ايتتى. سوعان بايلانىستى ساياساتكەر انتيكورعا بايلانىستى مىسالىمەن ءبولىسىپ ءوتتى.
“انتيكوردان كەلگەن ازامات بۋحگالتەردىڭ كولىگىنەن 1 ملرد تەڭگە تابىلدى دەپ جاتىر. ءبۇل نازاربايەۆتىڭ زامانىندا دا بولدى. توقايەۆتىڭ زامانىندا دا قايتالانىپ جاتىر. شاباقتاردى ۇستايدى، ال تۇيەنى تۇگىمەن جۇتقان اكۋلالار ءالى ءجۇر. ءبىرىنشى باستىق الماسا، تومەندەگىسى المايدى. 1 ملرد تەڭگەنى جەگەن بۋحگالتەر دەگەنگە ەشكىم سەنبەيدى”، – دەيدى قوسانوۆ.
