Týrizm jáne sport ministrligi «Qazaqstan Respýblikasynyń keibir zańnamalyq aktilerine dene shynyqtyrý jáne sport, sondai-aq normalardyń artyq (shamadan tys) zańnamalyq reglamenttelýin bolǵyzbaý máseleleri boiynsha ózgerister men tolyqtyrýlar engizý týraly» zań jobasyn ázirledi, – dep habarlaidy Dalanews.kz.
Qujatta mańyzdy jańashyldyq retinde «múgedektigi bar sportshyny súiemeldeýshi» uǵymy engiziledi. Bul jańa ereje birinshi top múgedektigi bar sportshylarǵa sporttyq is-sharalarǵa qatysý kezinde kómek kórsetýge múmkindik beredi. Zań jobasy múgedektigi bar sportshylardyń qozǵalys erkindigin jáne sporttyq jarystarǵa qatysý sharttaryn ulǵaitýǵa baǵyttalǵan.
Týrizm jáne sport ministrligi ókilderiniń aitýynsha, bul ózgeris sporttaǵy inkliýzivtilikti arttyryp, múgedektigi bar azamattardyń sportqa qatysýyna qolaily jaǵdai jasaýǵa septigin tigizedi.
– Múgedektigi bar sportshylar úshin arnaiy kómek kórsetý júiesin engizý – bul elimizdegi sportty barynsha inkliýzivti etý jolyndaǵy mańyzdy qadam. Biz barlyq azamattar úshin teń múmkindikterdi qamtamasyz etýge baǵyttalǵan saiasatty jalǵastyramyz, – dep atap ótti Týrizm jáne sport ministri Erbol Myrzabosynov.
Qujattyń qabyldanýy sport salasyndaǵy inkliýzivtilikti arttyryp, múgedektigi bar sportshylardyń jeńisterine qoldaý kórsetýge úlken múmkindik beredi.
