تۋريزم جانە سپورت مينيسترلىگى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنە شىنىقتىرۋ جانە سپورت، سونداي-اق نورمالاردىڭ ارتىق (شامادان تىس) زاڭنامالىق رەگلامەنتتەلۋىن بولعىزباۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ازىرلەدى، – دەپ حابارلايدى Dalanews.kz.
قۇجاتتا ماڭىزدى جاڭاشىلدىق رەتىندە «مۇگەدەكتىگى بار سپورتشىنى سۇيەمەلدەۋشى» ۇعىمى ەنگىزىلەدى. بۇل جاڭا ەرەجە ءبىرىنشى توپ مۇگەدەكتىگى بار سپورتشىلارعا سپورتتىق ءىس-شارالارعا قاتىسۋ كەزىندە كومەك كورسەتۋگە مۇمكىندىك بەرەدى. زاڭ جوباسى مۇگەدەكتىگى بار سپورتشىلاردىڭ قوزعالىس ەركىندىگىن جانە سپورتتىق جارىستارعا قاتىسۋ شارتتارىن ۇلعايتۋعا باعىتتالعان.
تۋريزم جانە سپورت مينيسترلىگى وكىلدەرىنىڭ ايتۋىنشا، بۇل وزگەرىس سپورتتاعى ينكليۋزيۆتىلىكتى ارتتىرىپ، مۇگەدەكتىگى بار ازاماتتاردىڭ سپورتقا قاتىسۋىنا قولايلى جاعداي جاساۋعا سەپتىگىن تيگىزەدى.
– مۇگەدەكتىگى بار سپورتشىلار ءۇشىن ارنايى كومەك كورسەتۋ جۇيەسىن ەنگىزۋ – بۇل ەلىمىزدەگى سپورتتى بارىنشا ينكليۋزيۆتى ەتۋ جولىنداعى ماڭىزدى قادام. ءبىز بارلىق ازاماتتار ءۇشىن تەڭ مۇمكىندىكتەردى قامتاماسىز ەتۋگە باعىتتالعان ساياساتتى جالعاستىرامىز، – دەپ اتاپ ءوتتى تۋريزم جانە سپورت ءمينيسترى ەربول مىرزابوسىنوۆ.
قۇجاتتىڭ قابىلدانۋى سپورت سالاسىنداعى ينكليۋزيۆتىلىكتى ارتتىرىپ، مۇگەدەكتىگى بار سپورتشىلاردىڭ جەڭىستەرىنە قولداۋ كورسەتۋگە ۇلكەن مۇمكىندىك بەرەدى.
