Tursynbek Qabatov ázilkeshke 3 bólmeli páter qunyna teń saǵat syilady
«Quttyqtap qoisańyzdar bolady, bastyq óziniń qol saǵatyn syiǵa tartty. Táke raxmet, Tarazsha otdýshi bratan, sizdiń jolyńyzdy bersin in sha Allax! Saǵattyn baǵasyn aitpai-aq qoiaiyn, báribir senbeisizder! Tarazda 3 bólmeli úidiń aqshasy», – dep maqtandy ázilkesh.
E, ánshi ártister bir-birine quny 3 bólmeli páterdiń qunyna teń keletin saǵatta qinalmai syilasa, olar sol bir aqshany jany qinalyp taýyp jatyr deisiz ba? Jany qinalyp aqsha tappaǵan bir baidyń toiyn basqaryp, án aityp qinalmai milliondaǵan aqshany ala salady. Sodan bir-birine qymbat zatty syilai salady. Ainalyp kelgende bári sol eldiń aqshasy.
Al jelidegi halyq bolsa ekige jarylyp qyzyl keńirdek bolyp jatyr. Biri Armandy jańa saǵatymen quttyqtasa, ekinshileri «maqtanshaq» dep sógip jatyr. Al qazaq qoǵamyn osynshama toishyl, saýyqshyl qylǵan bilikke qatysty bir syn aitqan adamdy baiqamadyq.
«Sol aqshany balalar úiine berse», «Sol aqshany jaǵdaiy tómenderge berse, shirkin, jaǵdaiy jaqsaryp qalar edi», «Qutty bolsyn, demek eńbegińdi baǵalaǵan ǵoi», «Qutty bolsyn, siz de osyndai bastyq bolyńyz», «3 bólmeli páter 14-15 million turady», – dep jazdy jelidegiler.
