Halyqaralyq Amnesty International quqyq qorǵaý uıymy Qazaqstan bıligin quqyq qorǵaý jáne túrme qyzmetkerlerine qatysty azaptaý jáne taǵy basqa qatigezdik oqıǵalaryn tekserý boıynsha mindettemelerin oryndamaı otyr dep aıyptaıdy.
Búgin jaryq kórgen «Tuıyqqa tirelgen ádilet. Qazaqstandaǵy azaptaýlar úshin jazasyz qalý» dep atalatyn esebinde AI jyl saıyn uıymǵa ózderin azaptaǵany týraly júzdegen hat-habar túsetinin málimdeıdi.
AI-nyń Eýropa jáne Ortalyq Azıadaǵy baǵdarlamalarynyń dırektory Djon Dalhýısen «memlekettiń azaptaýlardy tekserip jáne kinálilerdi jazalaýǵa qaýqarsyzdyǵy azaptaý qurbandaryn úmitsiz ári qorlanǵan kúıde qaldyratynyn» aıtty. Dalhýısen Qazaqstandaǵy "azaptaýlarǵa qatysty shaǵymyn qabyldamaǵandardyń ústinen aryz jazýdyń shyrǵalańyna túsken" mundaı qurbandardyń tek otbasyna, shaǵyn ǵana quqyq qorǵaýshylar men advokattarǵa ǵana arqa súıeı alatynyn da atap ótti.
