Májilis depýtaty Dáýlet Turlyhanovtyń uly Nurasyl Bolattyń basy taǵy daýǵa qaldy, - dep habarlaıdy Dalanews.kz.
Bul týraly zańger Anna Chernova Instagram paraqshasynda aıtty. Onyń sózinshe, bas bostandyǵynan shektelgen Nurasyl Bolat jazasyn ótemeı júrgen kórinedi.
Zańgerdiń jekesine Nurasylǵa qatysty vıdeolar kelgen. Vıdeoda Bolatuly dalada temeki shegip, tipti bir qyzdy urǵan kórinedi.
Vıdeo shamamen tańǵy 3-te túsirilgen. Al Nurasyl Bolat jazasyn óteý talaptary boıynsha 23.00-den keıin úıinen shyqpaýy kerek.
Zańger qylmystyq-atqarý júıesi komıtetinde tekseris júrgizýdi talap etip, Antıkorǵa úndeý jasady.
Eske salaıyq, buǵan deıin QR eńbegi sińgen jattyqtyrýshy Dáýlet Turlyhanovtyń uly Almatyda óz súıiktisi men eki zańgerdi soqqy astyna alǵany týraly aqparat taraǵan edi.
Boıjetkenge arasha túspek bolǵan advokattar da taıaq jep qalǵany belgili boldy. Bul jaǵdaı Qazaqstan Respýblıkasynyń Qylmystyq kodeksi 293 "Buzaqylyq" baby boıynsha tirkeldi.
Al bul oqıǵaǵa qatysty pikir bildirgen Dáýlet Turlyhanov bolǵan jaıtty rastap, ulynyń kámeletke tolǵanyn jáne barlyq áreketke ózi jaýapty ekenin jetkizgen bolatyn. Sonymen qatar sheshimdi quqyq qorǵaý organdary qabyldaıdy dep kesip aıtqan edi.
Keıinnen taǵy bir Turlyhanov - ánshi Rahat Turlyhanovqa qatysty is qozǵalyp, ol Almaty sotynda apelásıalyq tártippen jabyq rejımde qaıta qaralatyny belgili boldy.
Rahat Turlyhanov pen onyń áıeli Altynaıdyń ótinishi boıynsha sot otyrysy jabyq rejımde ótedi.
Buǵan deıin ánshi Rahat Turlyhanovqa qatysty is sotta qaralyp jatqany belgili boldy. Almatynyń ákimshilik quqyqbuzýshylyq jónindegi mamandandyrylǵan aýdanaralyq sotynyń saıtynda aqparattyń ras-ótirigin tekserilgen edi. 3 qańtarda Rahat Turlyhanovqa qatysty is qaraýǵa qabyldanǵan.
Artynsha ánshi kinásin moıyndap, ákimshilik eskertý túrinde ákimshilik jazaǵa tartylǵan bolatyn.
Keıinnen Rahat Turlyhanov pen jubaıy Altynaı keıingi jaǵdaıǵa qatysty pikir bildirdi.
"Bárińizge sálem. Bul - Rahat Turlyhanov jáne jubaıym - Altynaı. Keıingi jańalyqtarǵa baılanysty pikir bildirýdi uıǵardyq. Altynaı bárin ózi aıtsa, durys shyǵar", - deıdi vıdeoda ánshi. "Rahatpen aramyzda bári jaqsy. Rahat - qamqor, meıirimdi kúıeý, áke. Iá, barlyq otbasynda bolatyny sekildi bizdiń de aramyzda urys, túsinispeýshilikter boldy. Biraq barlyq jaǵdaıdy bilmese de ony jaman jaǵynan kórsetip jatyr. Bárińiz alańdap jatsyzdar, alańdaıtyndaı eshteńe joq. Bizdi bári jaqsy", - deıdi ánshiniń jubaıy vıdeoda.
