– Túrkıa men Sırıadaǵy qaıǵyly oqıǵadan keıin jergilikti turǵyndardy onsyzda salynǵan TK-niń janynan taǵy bir kóppáterli turǵyn úı kesheniniń salynýy alańdatady.
Men úshin qaýipsizdik máselesi erekshe mańyzdy, óıtkeni bul ýchaske tektonıkalyq jarylym bolǵan jerde ornalasqan. Qurylys tyǵyzdyǵy joǵary jáne TJ jaǵdaıynda úılerge órt sóndirý mashınalary men jedel járdem kúımeleri jete almaıdy, jer silkinisi bolǵan jaǵdaıda turǵyndar jınalatyn alań bolmaıdy, – Áset Mataev áleýmettik jelilerdegi paraqshasynda jazdy.
Búgingi tańda atalǵan shaǵyn ýchaskede qurylys normalary men erejeleri buzylǵan. Buryn 22 qabatty keshen salyndy, onyń paıda bolýy komýnıkasıa, sýmen qamtamasyz etý, jylytý máselelerin týdyrdy.
Jergilikti turǵyndar bılikke, qurylys kompanıalaryna nemese tozyǵy jetken úılerdiń turǵyndaryna jańa turǵyn úı berý týraly renovasıa baǵdarlamasyna qarsy emes.
Qala turǵyndary ýchaskede qurylys qalaı júretinin túsindirýdi suraıdy jáne qaýipsizdik normalaryn buzbaýdy talap etedi. Eski jáne apatty turǵyn úılerdiń turǵyndaryn jańa úıge kóshirý kerek, biraq renovasıa baǵdarlamasy qaýipsizdik normalaryna zıan keltirmeýi qajet.
– Qala turǵyndary qaýipsizdikti, jaılylyqty, turǵyndardyń quqyqtaryn quptaıdy. Jergilikti bılikke aıtarym: qurylys normalaryn buzbańyz jáne halyqpen dıalog quryńyz! "Almaty qalasynyń erekshe mártebesi týraly" Zańǵa sáıkes ákimdik jeke menshik jer ýchaskelerin memleket muqtajy úshin naryqtyq quny boıynsha satyp alýǵa quqyly.
Turǵyn úı kesheniniń áleýetti qurylysy qalanyń barlyq turǵyndarynyń múddelerine áser etedi. Sebebi Ál - Farabı jáne Dostyq dańǵyldarynyń, magıstraldyq kósheleriniń boıynda kóliktik kollaps týǵyzady. Jeldiń ótýine kedergi keltirip, qala ekologıasyn odan ári nasharlatady, – dedi Áset Mataev jazbasynda.
Esterińizge sala keteıik, buǵan deıin Áset Mataev Ál-Farabı dańǵylyndaǵy Akademqalashyq turǵyndarymen kezdesti. Jergilikti turǵyndarmen munda taǵy bir kópqabatty turǵyn úı qurylysynyń qaýpi talqylandy.
Áńgime 20-313-010-067, 20-313-010-027 kadastrlyq nómirleri bar ýchaskeler týraly. Onyń sózinshe, turǵyn úı kesheniniń qurylysyna tyıym salý kerek, óıtkeni bul ýchaske tektonıkalyq jarylym bolǵan jerde ornalasqan (munda taý ózeniniń arnasy bolǵan). Sonymen qatar aýdannyń áleýmettik nysandary tolyp qalǵan, komýnaldyq jeliler turǵyn úı kesheniniń kóptigine baılanysty tirelip qalǵan.
