Ystambul meri jáne oppozitsiia ókili Ekrem Imamoǵlýdyń tutqyndalýynan keiin Túrkiiada jappai narazylyqtar jalǵasyp jatyr, dep habarlaidy Dalanews.kz Deutsche Welle-ge silteme jasap.
19 naýryzdan beri jalǵasyp kele jatqan narazylyqtar barysynda 1133 adam ustaldy, bul týraly 24 naýryzda Túrkiianyń ishki ister ministri Ali Erlikaia málimdedi.
Túrik Media jáne quqyqty zertteý qaýymdastyǵynyń (MLSA) málimetinshe, ustalǵandar arasynda 10 fotograf pen jýrnalist bar. Osyǵan bailanysty Túrik buqaralyq aqparat quraldary qyzmetkerleriniń kásipodaǵy (Disk-Basin-Is) bul jaǵdaidy “baspasóz bostandyǵy men halyqtyń shyndyqty bilý quqyǵyna jasalǵan shabýyl” dep baǵalady.
24 naýryz kúni keshke Ystambul men Ankarada myńdaǵan adam taǵy da kóshege shyǵyp, úkimettiń otstavkasyn talap etti.
Túrkiia prezidenti Redjep Taiyp Erdoǵan narazylyqtardy aiyptap, olardy “zorlyq-zombylyq qozǵalysy” dep atady. Ol bul tolqýlar úshin Imamoǵlý múshe bolyp tabylatyn oppozitsiialyq Halyqtyq-respýblikalyq partiiany (NRP) kinálady.
Eske salaiyq, buǵan deiin Túrkiianyń 15 millionǵa jýyq azamaty qamaýǵa alynǵan Ystambul meri Ekrem Imamoǵlýdy el prezidenttigine kandidat retinde usynǵanyn jazǵan bolatynbyz.
Aita keteiik, Erdoǵan Túrkiia biliginde 21 jyldan astam ýaqyttan beri otyr. Ol 2003 jyly premer-ministr, al 2014 jyldan beri el prezidenti bolyp keledi.
