Reseidiń Túrkiiadaǵy elshisi bolǵan Andrei Karlovtyń qazasyna bailanysty Ankarada reseilik áiel ustaldy dep habarlady túrik telearnasy.
Telearna dereginshe, Ekaterina B. esimdi 33 jastaǵy azamat byltyr qarashadan bastap Mevliýt Altyntashpen WhatsApp messendjeri arqyly aralasyp, Ankaradaǵy Resei mádeni ortalyǵyna telefon soqqan.
Reseidiń Túrkiiadaǵy elshisi Andrei Karlov 19 jeltoqsanda Ankarada óner kórmesine sóilep turǵanda ol jerge kúzetshi keipinde kirgen 22 jastaǵy Mevliýt Mert Altyntash esimdi adam ony tý syrtynan birneshe ret atyp jaralaǵan. Elshi uzamai jaraqatynan kóz jumdy. Buryn politsiiada qyzmet istegen Altyntashtyń ózi politsiiamen atysta oqqa ushqan.
Túrik politsiiasy buǵan deiin Resei elshisiniń ólimine qatysty tórt adam tutqyndalǵanyn habarlaǵan.
