Ystambulda keshe, jeksenbi kúni 6,1 balldyq jer silkinisi boldy. Jer asty dúmpýleriniń oshaǵy eldiń batysynda tirkeldi. Saldarynan birneshe ǵimarat búlinip, bir adamnyń qaza tapqany belgili, dep habarlaidy Dalanews.kz.
Eýropalyq seismologtardyń málimetinshe, jel silkinisiniń magnitýdasy 5,9-dy qurady.
Seismologtar Balyqesir men Syndyrǵy eldimekenerinde de qatty jer silkingenin aitady. Ǵimarattar búlinip, qulaǵan.
"Jalpy alǵanda, Balyqesir provintsiiasyndaǵy 6,1 balldyq jer silkinisi saldarynan 24 ǵimarat búlinip, bireýi qulady, olardyń tek tórteýinde adamdar turyp jatqan. Birqatar kórshiles provintsiialarda, sonyń ishinde Ystambulda da jer asty dúmpýleri sezildi", — deidi Túrkiia IIM basshysy Ali Erlikaia.
Keiinirek Balyqesirde úiindilerdiń astynda qalyp ketken bir adamnyń qutqarylǵany belgili boldy, biraq keiinirek qariia aýrýhanada qaitys boldy.
Al Ystambul sekildi iri qalalarda turǵyndar kóshege shyǵyp, tań atqansha saiabaqtarda bolǵan. Óitkeni aftershok 24 márte qaitalanǵan. Onyń tórteýinde jer silkinisi 4 baldy qurady.
Túrkiia prezidenti Rejep Taiyp Erdoǵan oqiǵa ornynda qutqarýshylar jumys istep jatqanyn jetkizip, zardap shekkenderge kóńil bildirdi.
