ىستامبۇلدا كەشە، جەكسەنبى كۇنى 6،1 باللدىق جەر سىلكىنىسى بولدى. جەر استى دۇمپۋلەرىنىڭ وشاعى ەلدىڭ باتىسىندا تىركەلدى. سالدارىنان بىرنەشە عيمارات ءبۇلىنىپ، ءبىر ادامنىڭ قازا تاپقانى بەلگىلى، دەپ حابارلايدى Dalanews.kz.
ەۋروپالىق سەيسمولوگتاردىڭ مالىمەتىنشە، جەل سىلكىنىسىنىڭ ماگنيتۋداسى 5،9-دى قۇرادى.
سەيسمولوگتار بالىقەسىر مەن سىندىرعى ەلدىمەكەنەرىندە دە قاتتى جەر سىلكىنگەنىن ايتادى. عيماراتتار ءبۇلىنىپ، قۇلاعان.
"جالپى العاندا، بالىقەسىر پروۆينسياسىنداعى 6،1 باللدىق جەر سىلكىنىسى سالدارىنان 24 عيمارات ءبۇلىنىپ، بىرەۋى قۇلادى، ولاردىڭ تەك تورتەۋىندە ادامدار تۇرىپ جاتقان. ءبىرقاتار كورشىلەس پروۆينسيالاردا، سونىڭ ىشىندە ىستامبۇلدا دا جەر استى دۇمپۋلەرى سەزىلدى"، — دەيدى تۇركيا ءىىم باسشىسى الي ەرلىكايا.
كەيىنىرەك بالىقەسىردە ۇيىندىلەردىڭ استىندا قالىپ كەتكەن ءبىر ادامنىڭ قۇتقارىلعانى بەلگىلى بولدى، ءبىراق كەيىنىرەك قاريا اۋرۋحانادا قايتىس بولدى.
ال ىستامبۇل سەكىلدى ءىرى قالالاردا تۇرعىندار كوشەگە شىعىپ، تاڭ اتقانشا ساياباقتاردا بولعان. ويتكەنى افتەرشوك 24 مارتە قايتالانعان. ونىڭ تورتەۋىندە جەر سىلكىنىسى 4 بالدى قۇرادى.
تۇركيا پرەزيدەنتى رەجەپ تايىپ ەردوعان وقيعا ورنىندا قۇتقارۋشىلار جۇمىس ىستەپ جاتقانىن جەتكىزىپ، زارداپ شەككەندەرگە كوڭىل ءبىلدىردى.
