Búginde Túrkiia áskeri qarý-jaraq shyǵarýda dúniejúzindegi jetekshi elderdiń birine ainaldy. Túrik aǵaiyndar shyǵarǵan «Bairaqtardyń» Taiaý Shyǵys pen Ýkrainada synaqtan sátti ótip, álemniń nazaryn aýdarǵany belgili. Qazir Túrkiia qorǵanys jabdyqtaryn shyǵarý isinde jolǵa qoiylǵan.
Túrkiianyń Ónerkásip jáne tehnologiia ministri Mustafa Varank zaýytqa arnaiy kelip, Garanti Kompozit kompaniiasy óndirgen qorǵanys kiimderi Ýkraina prezidenti men onyń komandasyn oq pen jarylystan qorǵaitynyn aitty.
Ministrdiń aitýynsha, Túrkiiada óndiriletin mundai áskeri kiimder dúniejúziniń 50-den astam eline eksporttalady eken. Óz kezeginde Mustafa Varank kásiporynnyń shyǵarǵan ónimin synaqtan ótkizýge qatysty.
Óz kezeginde Garanti Kompozit kompaniiasynyń basshysy Vedat Tiýzer Ýkraina prezidenti Vladimir Zelenskiidiń ózderine senim artyp, tapsyrys bergeni zor mártebe ekenin aitty. «Bizdiń kompaniia 2013 jyldan beri túrik sarbazdaryna qajetti saýyttardyń 80 paizyn óndirip kelemiz» dedi.
