Túrkiia prezidenti Qazaqstanǵa eki kúnge saparmen kelmeitin boldy
Túrkiia prezidenti Ystambuldaǵy teraktige bailanysty Qazaqstanǵa saparmen kele almaidy.
Osyǵan deiin Aqorda Erdoǵannyń Qazaqstanǵa eki kúnge saparmen keletinin habarlaǵan bolatyn. Sapar barysynda Erdoǵannyń Nazarbaevpen keńeitilgen quramda kezdesýi josparlanǵan edi.
Eske sala keteiik, búgin túnde Ystambulda birden eki terakt bolyp, qaza tapqandardyń sany 29 adamǵa jetken bolatyn. Oqiǵa ornyndaǵy jergilikti telearna málimetinshe, politseiler otyrǵan avtobýstyń mańynda minalanǵan kólik jarylyp ketken. Jarylystan zardap shekkenderdiń barlyǵy - politseiler.
Al keiinirek Túrkiia prezidenti Ystambulda bolǵan teraktige bailanysty málimdeme jasady. Agenttiktiń málimetinshe, Erdoǵan terroristik akt qaýipsizdik qyzmetindegiler men beibit turǵyndarǵa qarsy uiymdastyrylǵanyn aitty. Sonymen qatar, prezident Túrkiianyń terroristik uiymdarmen áli de kúresip jatqanyn aitty. Erdoǵan Túrkiianyń bul lańkesterdi jaýapkershilikke tartatynyn aityp ótti.
